الشخصية الودّانية..قلبها مع الكل

في الحلقة دي من قعدة روقان هنتكلم عن نوع مميز من الشخصيات: الشخصية الودّانية، اللي بتعيش بمشاعرها وبتتأثر بسرعة بأي كلمة أو موقف.هنشوف إزاي حسها العالي بيخليها قريبة من الناس، وإزاي التعاطف عندها ممكن يكون نقطة قوة أو عبء في نفس الوقت.هل الودّانية هبة ولا نقمة؟ وإزاي اللي عنده الحس ده يقدر يحمي نفسه من الاستنزاف؟-

كلمة السر...مربط الفرس

في وسط دوامة التفاصيل والضغوط اليومية، ساعات بننسى ندور على -مربط الفرس- الحقيقي في حياتنا- النقطة الجوهرية اللي لو لمسناها هنفهم نفسنا أكتر، وهنعرف ناخد قرارات أوضح، ويمكن نعيش براحة أكبر.في الحلقة دي من قعدة روقان، هنتكلم عن معنى -مربط الفرس- بشكل عميق وبسيط في نفس الوقت، وهنشوف إزاي إدراكه ممكن يخلّي مشاكل معقدة تتحل، وأفكار متشابكة تتفك، وخطوات صغيرة تبقى بداية لطريق جديد.لو حاسس إن حياتك مليانة تشتيت، يمكن الحلقة دي تبقى هي مربط الفرس بالنسبة لك.

النجاح لعبة حظ ولا معادلة اجتهاد؟

في حلقة النهاردة من قعدة روقان، هنتكلم عن السؤال اللي محيّر عقول كتير:هو النجاح فعلاً بييجي بالحظ؟ ولا لازم اجتهاد وتعب سنين؟ ولا إن كل الموضوع مرهون بفرص ممكن تيجي لحد وما تيجيش لحد تاني؟هنحاول نفكّك الفكرة ونشوف إزاي الحظ بيتقاطع مع الاجتهاد، وإزاي الفرص محتاجة استعداد عشان نفوز بيها.-

الشخصية اللي مبتحبش الانتظار

في الحلقة دي من قعدة روقان، هنغوص سوا جوه عالم الشخصية اللي مبتحبش الانتظار-اللي حياتها دايمًا سباق، وعينيها على الحاجة قبل ما توصلها، واللي ساعات استعجالها بيضيع عليها متعة اللحظة.هنتكلم عن ليه بعضنا بيستعجل دايمًا؟ إيه اللي وراه؟ وهل الاستعجال ضعف صبر ولا خوف من الضياع؟وإزاي ممكن نتعامل مع النفس دي ونحوّل -الاستعجال- لطاقة تدفعنا بدل ما ترهقنا؟

حب الذكريات بيفيد ولا يضر؟

كل واحد فينا عنده ذكريات محفورة جواه- منها اللي بيدفي القلب زي حضن قديم أو لحظة نجاح، ومنها اللي بيوجع زي فقد أو خيبة. لكن السؤال اللي بيطرح نفسه: هل التمسك بالذكريات دايمًا بيفيدنا؟ ولا ممكن يتحول لعبء يوقفنا مكانّا؟في الحلقة دي من قعدة روقان، بناخدك في رحلة وعي بين حلاوة الذكريات اللي بتدي طاقة وراحة، وبين الجانب التاني اللي ممكن يجرّنا للوراء ويخلينا أسرى للماضي.-

العتاب خيط يقرب ولا مسافة تبعد

العتاب ساعات بيكون علامة محبة واهتمام- وساعات تانية بيكون بداية مسافة وبُعد.في الحلقة دي من قعدة روقان، هنفتح سوا موضوع العتاب:هل فعلاً بيقرب القلوب ولا ساعات بيكسرها؟إمتى العتاب يبقى دليل على إن العلاقة لسه فيها أمل، وإمتى يتحول لعبء تقيل يخلي الناس تهرب بدل ما تتقرب؟هنتكلم عن مشاعرنا في لحظة العتاب، عن الكلمات اللي بتتقال وبتسيب أثر، وعن إزاي نلاقي التوازن بين الصراحة والحب- من غير ما نخسر اللي بنحبه.حلقة مليانة دفء، أسئلة، وتأملات- يمكن تلاقي فيها إجابة على اللي جوا قلبك.

وجع التوقعات

وجع التوقعات-- عن اللحظة اللي بيقف فيها الإنسان على الحافة بين الحياة والموت، لما تتحول الأحلام لضغط، والتشجيع لعبء، وعن المعركة الصعبة لاستعادة الرغبة في العيش من جديد.-للاستماع لبودكاست حكاية قلبhttps://podeo.co/podcasts/id/22629

مشاعر على الرف

فيه حاجات ما بنقولهاش-مش لأننا مش عارفين، لكن لأننا تعبنا من التفسير.تعبنا من التبرير. تعبنا من التكرار.وسكتنا.في الحلقة دي من قعدة روقان، هنفتح درج قديم جوا النفس:🔹 ليه مشاعرنا القديمة ما بتموتش؟🔹 يعني إيه تراكم نفسي وإزاي بيأثر علينا فجأة؟🔹 إزاي السنين اللي فاتت ممكن تكون السبب في إنك مش طايق يومك🔹 خطوات صغيرة علشان تفضي المساحة جواك وتتنفس تانيلو بتحس إنك -مش عارف السبب، بس مخنوق-،فـ الحلقة دي جاية مخصوص علشانك.-

التعلّق العاطفي..احتياج ولا هروب

ليه أوقات بنتمسك بحد لدرجة تخلينا ننسى نفسنا؟ليه بنكمل في علاقة بتأذينا بس مش قادرين نسيبها؟هل ده حب؟ ولا احتياج؟ ولا خوف من الفقد؟لو حسيت يوم إنك -مش قادر تمشي ومش قادر تكمل-، الحلقة دي ليك.استمع، وافهم، وخد خطوة تجاه نفسك.-

الخوف المُدمِّر؟؟

الخوف شعور طبيعي- لكن لما يتحول لحاجز بيشلّك وبيمنعك تعيش، ساعتها بيبقى خطر!استلم هديتك من بودكاست قعدة روقانhttps://forms.gle/dHKCNbXQvEDRbEru9-