47. العائد على المجهود

في حلقة النهاردة بنتكلم على مفهوم الناس عمرها ما فكرت فيه ولكن ضروري جداً اننا نحطه في الحسبان كواحد من المعايير المهمه واحنا بنقييم أي فكرة إستثمارية وهو العائد على المجهود..

8 أسئلة ممكن أسئلها لنفسي عشان أعرف هل الفكرة الإستثمارية دي كويسة من حيث العائد على المجهود ولا فكرة أخرى من منظور مختلف ممكن تبقى فرصة إستثمارية أفضل وبأقل مجهود؟

00:44 المقدمة
01:45 هل سهل إني أفتح حساب أو أستخراج الورق المطلوب للإستثمار ده؟
02:32هل في السنين القادمة هحتاج أعيد تقديم ورق لتأكيد الحساب ده؟
02:59 هل هقدر بسهولة أزود حجم إستثماراتي في الفكرة دي؟
03:41 هل سهل أجمع العائد بتاعي من الأرباح؟
04:25 هل سهل إني أخرج من الإستثمار ده؟
05:03 هل أنا محتاج أحمي الإستثمار ده؟
06:02 هل البلد اللي أنا فيها القانون بيحمي مدخراتي؟
06:55 لما أشتري الإستثمار ده.. هل هعرف أنام بليل مستريح؟
09:29 فئات الأصول اللي تقدر تستثمر فيها كواحد عادي مش محترف
10:14 فئات الأصول قليلة المجهود
11:44 فئات الأصول عالية المجهود
15:01 مش غلط إنك تختار المجهود العالي.. أعرف نفسك وأختار المناسب ليك
17:20 عشان الشركة بتاعتك تنجح لازم تبذل مجهود من أول يوم
21:09 تقييم المجهود على مستوى الأفراد
22:03 مش مهم إنك تجيب أحسن فكرة إستثمارية من أول يوم المهم إنك تبدأ
23:00 المجهود مطلوب إمتى؟
23:18 ابدأ بالمجهود القليل ومع الوقت هتفهم أنت عايز إيه
24:13 خلي بالك إن القرارات اللي بتغير حياتك كمستثمر هي القرارات البسيطة
26:17 الخاتمة

الإستثمار بياخد وقت طويل فمتبقاش مهووس بفكرة الحاجه اللي هتفرقع! خد قرارات مظبوطه وأتحكم في وقتك وأعرف نفسك ومتحطش مجهود في حاجه أنت مش عايزها ولا حاببها

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

46. الحرية المالية للمرأة وأهميتها (من كلوب هاوس)

أتكلمنا اللايف اللي فاتت على الحرية المالية كمصطلح عام للرجال والسيدات ، حلقة النهاردة لايف (مسجل) في ضيافة صديقنا عمرو عبدالفتاح على كلوب هاوس بمناسبة اليوم العالمي للمرأة حبينا نتكلم على الحرية المالية من منظور المرأة وازاي الاستقلال المادي بينعكس عليها وعلى الأسرة والمجتمع كله!

00:55 ممكن تشرحلنا سريعاً يعني إيه حرية مالية؟
02:28 ازاي المرأة ممكن تتحرر مالياً؟
06:00 إيه الأداوت المالية اللي ممكن تساعد المرأة على الحرية المالية بحيث متبقاش معتمدة على حد؟
09:40 أمتى أقول إن الوقت فات على الإستثمار؟
10:45 ازاي نبدأ بدري في ظل الظروف الإقتصادية الغير متوقعة اللي بنمر بيها؟
13:32 إيه رأيك في تجربة العمل من المنزل وهل شايف إنها ممكن تساعد على الحرية المالية؟
16:00 هل شايف إن التغير اللي حصل أخر سنتين في سوق العمل بسبب الكورونا جه في مصلحة المرأة؟
21:21 عندي مدخرات "كاش" ازاي استثمرها في ظل الأزمة المتوقعة؟
28:14 هل الدهب كإستثمار كويس ولا لأ؟
37:10 لو احنا مقبلين على أزمة هل المفروض يكون عندنا كاش (بالنظر للأزمة المالية سنة 2008)؟
42:08 لو معنديش القدرة المالية لشرا بيت بمليون أو 2 مليون ازاي ممكن استثمر في العقار؟
45:46 لو في مدخرات متشاله لهدف ما زي الزواج مثلاً ازاي ممكن أحافظ على المدخرات دي بحيث قيمتها متقلش؟
48:00 رأيك إيه في العملات المشفرة كإستثمار طويل الأجل؟
50:00 هل تنصح بالإستثمار في العقار خارج البلاد نظراً للتقلبات السياسية وعدم الاستقرار؟
55:25 لو شخص معندهوش القدرة على إدارة أموره المالية ممكن يعمل إيه؟

الحرية المالية مهمه جداً لأي إنسان عموماً.. وكـ إمرأة ليكي كل الحق في الاستقلال المادي اللي هيوفرلك الحرية والأمان.. تابعونا على كلوب هاوس وتويتر عشان متفوتوش اللايف الجاي.. وكل عام وكل إمرأة حرة ، ملهمة ، مستلقة ومؤثرة!

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

45. من هو المستثمر الأفضل .. الرجل أم المرأة؟

من المتعارف عليه في حياتنا إن في مجالات معينة بتشد الرجال أكتر من السيدات والعكس! وبما إن كلامنا عن المجال المالي والإستثمار ياترى كمستثمر مين أفضل الرجل ولا المرأه؟ ومين قدر على المدى الطويل يحقق عوائد أعلى؟
حلقة النهاردة بتناقش موضوع مهم جداً ألا وهو التحيزات السلوكية في الإستثمار.. وازاي التحيزات دي ممكن تأثر على القرارات الإستثمارية بالنسبة للرجل والمرأة؟
تفاصيل كتيرة بنتكلم عليها بناءاً على دراسات إحصائية قام بها كلاً من (Fidelity Investments)
وموقع تثقيف مالي اسمه (moneycrasher) عن :
الأداء الإستثماري بين السيدات والرجال؟
نسب الإدخار بين السيدات والرجال؟
المميزات بين السيدات والرجال؟
فئات الأصول المفضلة للرجال والسيدات؟
العوائد الإستثمارية بين السيدات والرجال؟
سيكولوجية الرجال والسيدات في أساليب الإستثمار المختلفة؟
وفي النهاية عشان تبقى مستثمر كويس لازم تبقى فاهم نفسك وعندك وعي بنقاط ضعفك ونقاط قوتك وهو ده الهدف من حلقة النهاردة الموضوع مش ماتش هنشوف مين كسبان على قد ما ازاي كمستثمر (رجل أو امرأة) تستغل نقاط قوتك وتتجنب نقاط ضعفك عشان توصل لأعلى عوائد إستثمارية

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

44. الحرية المالية ومفاهيمها (من كلوب هاوس)

كلام ينوّر هو أول بودكاست عربي مبسط عن الحياة المالية كل حلقة عبارة عن رحلة استكشافية لتبسيط المفاهيم المالية المعقدة بناقش أفكار وتجارب مالية مختلفة ونرد على التساؤلات المطروحة في الحياة المالية بشكل عام
حلقة النهاردة جديدة ومختلفة ، أول تجربة لايف صوتي كنا ضيوف عند عمرو عبد الفتاح على كلوب هاوس عمرو هو المدير التنفيذي وشريك مؤسس لـ Tayary Egypt
حبينا نسجل اللايف ده ونشغله في حلقة النهاردة عشان الكل يسمعه ويستفيد منه لأن النقاش حقيقي كان مفيد وفي اسئلة مهمه بيجاوب عليها شمس ونتمنى إن حلقة النهاردة تنال إعجباكوا وتستفيدوا منها إن شاء الله

تابعونا على كلوب هاوس :
كلام ينور: clubhouse@kalamyenawar
عمرو: clubhouse@amrabdelfattah
شمس: clubhouse@omar_shams

موضوعنا النهاردة عن الحرية المالية:
02:14 بتعمل إيه دلوقتي وبدأت ازاي؟
05:00 فكرة البودكاست جت منين؟ وإيه الرسالة اللي حابب توصلها من خلال كلام ينور؟
10:06 يعني إيه حرية مالية؟
14:53 إمتى أقول أن الإستثمار ده كويس؟ وإيه الإطار الزمني المناسب؟
17:13 إيه العائدات الآمنه اللي أقدر ابني عليها تفكيري؟
20:55 ممكن نتكلم عن حسبة الـ 50 / 30 / 20 لأنها مهمة ومرتبطة بالكلام بتاعنا؟
24:50 الوعي بالمشكلة هي أول خطوة لحلها
36:36 لو أنا معنديش أي معرفة بالبورصة أو الأدوات مالية بس محوش الـ 20% ابدأ ازاي؟
43:36 أمتى العوائد تبقى مهمه بالنسبالي؟
47:00 ازاي بقيس النتايج بتاعتي؟
50:03 عندي 40 سنة ومحوشتش حاجه خالص! هل أنا كده متأخر؟
55:40 هل الإدخار بيبقى من مصدر الدخل الثابت (الراتب) ولا من عمل خاص؟
57:24 إيه النسب اللي توضحلي إني بحقق ربح من عمل أونلاين؟
01:02:00 ازاي ممكن أحوش في ظل أرتفاع الأسعار والتضخم والركود؟
01:14:10 كام في المية من مدخراتي ممكن استثمرها في مخاطرة؟
01:22:44 إمتى ممكن أخد من صندوق الطوارئ أو صندوق التقاعد بتاعي وأستثمر في شركات ناشئة؟
01:26:40 علاقة الدَين أو القروض بالحرية المالية؟

وفي النهاية حابين نأكد تاني إن لكل واحد وضع وسن وحياه مختلفة مفيش حاجه بتمشي على الكل.. الموضوع ممكن يبان صعب بس احنا هدفنا في البودكاست هو إننا نسهل الصعب ونبسط المفاهيم المعقدة ، ونفكر سوا في حلول للمشاكل اللي بتواجهنا في الحياة المالية

هنعلن قريب على السوشيال ميديا عن ميعاد اللايف القادم فتابعونا على كلوب هاوس وتويتر عشان يوصلكم تنبيه أول ما نطلع لايف إن شاء الله

43. ازاي تقيم أدائك في البورصة

عمرك فكرت ازاي الأسواق أدائها بيتقاس؟ يعني إيه المقايس اللي بنحدد على أساسه اذا كان السوق ده طالع بشكل كويس فأقدر أبيع أو نازل بشكل جامد فقدر أشتري؟ أو ازاي أقيم العوائد بتاعتي في الاستثمار؟ في حلقة النهاردة بنتكلم عن مؤشرات أسواق المال ، وازاي تقيم أدائك في البورصة

00:44 المقدمة
01:46 ازاي بنقيس أداء الأسواق؟
02:27 حساب الفايدة المركبة
04:12 الفرق ما بين صندوق الاستثمار والبنك في توقع العوائد؟
06:28 هل صندوق الاستثمار بيضيف قيمة المخاطره اللي أنا باخدها؟
09:42 الجهات المرخصة لإصدار المؤشرات؟
11:09 ما هو المؤشر؟
11:50 طرق حساب المؤشرات
14:25 إعادة توازن المؤشر
15:38 ازاي المؤشر ميخليش شركة تسيطر على أداء بلد واحده؟
16:20 المؤشر ممكن يساعدني أستهدف نوع معين من الاستثمار
17:38 المؤشرات هي طريقة لمحاسبة صندوق الاستثمار اللي أنا حاطت فلوسي فيه
18:42 المؤشرات بتهدي تذبذب عوائد الاستثمار
20:20 ليه محتاج أفهم المؤشر؟
20:50 المؤشر هو أداة قياسية لأدائي أنا كشخص في الاستثمار
21:28 فوائد المؤشرات
23:13 المؤشر بيساعدني أتوقع أداء صندوق استثمار حديث ليس له عوائد تاريخيه
25:55 الخاتمة

حلقة النهاردة الهدف منها انها تفتّحلك أسئلة وتساعدك تاخد القرار الصح في طريق الاستثمار فلو سمعت الحلقة كلها وحسيت انك مفهمتش كل حاجه في موضوع المؤشرات متقلقش أنت مش محتاج تحسب الحسبه أنت بس محتاج تقيس نفسك عليها وتعرف ازاي تقيم أدائك او أداء صندوق الاستثمار بتاعك

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

42. الزكاة 101

مفهوم الزكاة مفهوم مش سهل ، وخاصة حساب الزكاة في فئات الأصول المختلفة زي الأسهم ، العملات المشفرة أو أي حاجه أنت بتاخدها للاستثمار.. في حلقة النهارده بندردش مع ضيفنا الأستاذ نادر التهامي في تبسيط مفهوم الزكاة

نادر مصري مقيم في كندا ، كان بيشتغل في المجال العقاري ، بسبب الكورونا الشغل وقف فقرر يبدأ في صناعة المحتوى
المحتوى اللي بيقدمه نادر عبارة عن فيديوهات بالإنجليزي بتناقش الاستثمار من الناحية الإسلامية.. ومهم جداً أننا ننوه إن نادر مش مفتي أو دارس شريعة هو زي أي حد مهتم بمواضيع معينه بيعمل البحث بتاعه وبيحاول يجيب الآراء من وجهة نظر العلماء باسلوب بسيط وسهل

00:44المقدمة
03:35 إحساسك إيه بتجربة البودكاست؟
04:50 إيه اللي ألهمك تبدأ المحتوى بتاعك؟
07:03 الزكاة بتعمل إيه في المجتمع؟ وهل الزكاة مفهوم عالمي؟
08:28 لو أنا معايا فلوس قد إيه ابقى من الناس اللي مطلوب منها الزكاة؟
10:27 أمتى بحدد قيمة الزكاة بتاعتي؟
12:27 لو عندي صندوق للطوارئ هحسب زكاتي عليه برده؟
12:58 لو عندي محفظة استثمارية وعندي أسهم ، بعامل الأسهم ازاي؟
14:23 هل ده بيتطبق على حساب التقاعد؟
16:32 هل المفروض أدفع زكاة على البيت اللي أنا عايش فيه؟
16:57 لو عندي ملكية للإيجار هل بدفع عليها زكاة؟
17:32 لو أنا شاري بيت للأولاد أو للزمن هل بدفع عليه زكاة؟
19:47 لو أنا مستثمر في مشروع ولكن شريك صامت هل بدفع زكاة على الفلوس دي؟
21:13لو أنا مستثمر في العملات (دهب وفضة) هل بدفع 100%؟
21:45 هل بدفع زكاة على العملات المشفرة والبيتكوين؟
23:57 هل في جهات معينة المفروض أدفعلها الزكاة دي؟
25:25 عندي 40 سنة وأول مرة أسمع ان عليا زكاة هل المفروض أتوتر؟
26:58 إيه الفرق بين الزكاة والصدقات؟
28:41 هل بتفضل تدفع الزكاة بتاعتك في حاجه معينه؟
34:00 الخاتمة
الاستثمار وفق الشريعة الإسلامية من الحاجات اللي بتكبر وبتزيد في الوطن العربي لو مهتم بالإقتصاد الإسلامي وعندك استفسارات
تقدر تتابع نادر وتشوف المحتوى بتاعه وتتواصل معاه على إنستجرام وتيك توك @Halalstocktok

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

41. ما يسأله المستمعون - الجزء الرابع

في الحلقة اللي فاتت معرفناش نغطي كل الاسئلة فقررنا نكسر النظام بتاعنا النهاردة ونعمل حلقة تانية على طول نرد فيها على باقي الاسئلة.. نتمنى إن شاء الله تستمتعوا بالحلقة وتلاقوا ردود على اسئلة بتفكروا فيها او حل لمشاكل بتمروا بيها وديماً أبعتولنا احنا بنجمع كل الاسئلة اللي بتوصلنا وبنرد عليها في حلقات ما يسأله المستمعون..
اسئلة الحلقة:
00:45 المقدمة
01:56 ازاي استثمر في الدهب وأعرف البورصة ماشية ازاي؟
05:45 أماكن موثوقة للتداول والاستثمار؟
08:10 متى ستحدث الأزمة المالية القادمة؟
12:36 ازاي استثمر في الأسهم والسندات؟
13:49 المعاملات المالية بدون شبهات ربا؟
15:50 ازاي استثمر المبالغ الصغيرة ؟
18:22 لو أنا طالب وبشتغل في الأجازة أقدر ازاي ابدأ استثمر مرتبي؟
19:50 خطوات أعملها تجاه مستقبلي لو أنا لسه في الجامعة؟
20:43 الخاتمة
قريب إن شاء الله هنعمل جلسات تفاعلية على تويتر علشان لو عندكم اسئلة نتكلم فيها والحلو في الموضوع إن الاسئلة هتفتح اسئلة تانية وهيبقى نقاش أكتر من أنه سؤال وجواب فتابعونا على تويتر هتلاقوا الروابط بتاعتنا كلها موجودة تحت في الصفحة

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

40. ما يسأله المستمعون - الجزء الثالث

حلقة النهاردة هي الجزء التالت من حلقات (ما يسأله المستمعون) زي ما اتعودنا كل 10 حلقات بنعمل حلقة رد على الاسئلة اللي بتبعتوهالنا
سألناكم من خلال صفحتنا على إنستجرام (إيه أكبر التساؤلات في حياتكم المالية) وفي حلقة النهاردة حاولنا نرد على أكبر عدد من التساؤلات اللي وصلتنا منكم

00:44 المقدمة
01:07 لو حد معاه فلوس ويقدر يستثمر بس مش عايز يستثمر في البنوك أو البورصة أو السندات ازاي يوصل لمعلومات عن إحتياجات بلد لسلعة معينة ويبقى متميز في المنتج بتاعه؟
05:48 ليه عائد شهادات الاستثمار في البنك بالمصري 11% وبالدولار 2.25%؟
09:05 ازاي الواحد ممكن يعمل فلوس وهو نايم؟
10:22 هل مصاريف كورسات تطوير الذات بتتحط في بند الرغبات ولا الاستثمار كأنها استثمار في النفس؟
12:39 في النهوض بالشركات الصغيرة ازاي بتعامل مع العقبات اللي هتقابلني وازاي أأمن نفسي قانونياً؟
15:13 لو دخلي كذا أوفر كام للاستثمار؟
16:00 الفرق ما بين الضمان الإجتماعي والأختياري؟
17:45 إيه هي الحرية المالية؟ وازاي أعرف إني وصلتلها؟
19:09 ازاي أسمع الحلقات؟
20:51 الخاتمة

تابعونا على إنستجرام وفيسبوك وتويتر وأبعتولنا أي اسئلة مهتمين تعرفوا وإجاباتها احنا هنحاول ديماً نغطي كل تساؤلاتكم في الحلقات اللي جايه إن شاء الله ، وتابعونا على تويتر عشان متفوتوش البث التفاعلي اللي هنعمله هناك قريب بإذن الله

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

39. خطوات إلى الاستقلال المالي (إعادة)

في الحلقتين اللي فاتوا أتكلمنا عن الميزانية ، ليه وازاي تعمل ميزانية وعملنا ملف إكسل تقدر تحمله وتطبق ميزانيتك عليه كل سنة عشان نسهل عليك الموضوع.. ولأن الاستقلال المالي بيبدأ بميزانية مظبوطة تقدر تنفذها وتلزم نفسك بيها فحبينا نعيد النهاردة تشغيل حلقة "خطوات إلى الإستقلال المالي" عشان تبدأ تربط الكلام كله ببعض والدنيا توضح أكتر

في حلقة النهاردة بنرد على أكتر سؤال بيجلنا على صفحة الانستجرام بتاعتنا وهو "ازاي ابدأ؟" أنا مش قادر ابدأ ، أنا مش عارف إيه الطريق الصح ، هدف الحلقة هو إن بخطوات بسيطة جداً تبدأ تحوش للوصول للاستقلال المالي الموضوع مش محتاج أي مجهود كل المطلوب خطة ونظام تلزم نفسك بتطبيقه

في هذه الحلقة :
00:45 المقدمة
03:19 ازاي ابتدي؟
06:12 ازاي تبعد عن الشراء الإندفاعي؟
07:07 أهداف واضحة للادخار
07:38 صندوق الطوارئ
08:00 دور صندوق الطوارئ ؟ وحجمه قد إيه؟
08:42 لو عندي قرض بفوايد عالية وعندي حساب استثمار هل أكمل استثمار؟
09:34 خلي الموضوع لذيذ
10:00 7 خطوات إلى الاستقلال المالي
10:58 استراتيجية واقعية لتنفيذ خطة الادخار بتاعتك
11:50 ازاي سهولة التنفيذ؟
13:03 سهولة الوصول للحساب والتحويل من حساب للتاني جزء كبير من نجاح الخطة بتاعتك
16:20 ازاي أقيس نجاح النظام بتاعي؟
17:35 ليه المقياس مهم؟
17:50 الندم مش هيخليك تبدأ لسه عندك سنين كتير.. ابدأ
18:40 متقارنش نفسك بحد.. قارن نفسك بنفسك
20:23 الخاتمة

ديماً البدايات بتكون صعبة ، بس لازم تعرف إن إدارة الحياة المالية عبارة عن روتين زيه زي أي عادة أو مهارة جديدة بتكتسبها محتاجة منك تطبيق مستمر عشان تتعود عليها
أبعتولنا على الصفحة بتاعتنا على الانستجرام لو عندكم اي استفسارات خاصة وشاركونا خطواتكم وازاي ابتديتم وازاي بتطوروا خططكم مع الوقت ابعتولنا احنا ديماً هنرد عليكم

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

38. ميزانيتك: الخطوات والتفاصيل

حلقة النهاردة هي تكمله للحلقة اللي فاتت اللي اتكلمنا فيها على الميزانية ، وقولنا ليه وازاي نعمل ميزانية وحطينا الخطوط العريضة في الميزانية الأشهر (50 - 30 - 20) اللي هي 50% أساسيات 30% كماليات و20% توفير.. في حلقة النهاردة بنتكلم على التفاصيل الداخلية في كل بند من بنود الميزانية دي بشكل عملي ومفصل أكتر
00:45 المقدمة
02:21 بند الدخل
05:37 بند المصاريف الأساسية 50%
06:50 بند السكن
08:57 بند الأكل والشرب
10:00 بند المواصلات
11:38 بند التأمينات
12:35 بند الأولاد
14:36 بنود الكماليات 30%
17:17 بنود التوفير 20%
20:02 هل أوزع استثماري في بنود التوفير كلها ولا أركز على بند واحد بس؟
24:18 اللي عنده فائض 50% من دخله هيعمل إيه؟
25:00 ليه متابعة الميزانية مهمه؟
27:25 الخاتمة
خليك عارف إن ميزانيتك السنة دي هتختلف عن السنة الجاية واللي وراها لأننا مش بنبني ميزانية لأكتر من سنة ، أهم حاجه وأنت بتتوقع حط زيادة شوية للأمان يعني متحطش الرقم بالظبط ، لأن ممكن يحصل زيادة في إستهلاكك أو يحصل زيادة في الأسعار!

على الموقع بتاع كلام ينور هتلاقي ملف أكسل تحت حلقة النهاردة تقدر تنزله وتشوف التفاصيل اللي احنا بنتكلم عليها تمشي خطوه خطوه في البنود دي وتحفظه عندك والسنة الجاية تغيره وتعمل ملف جديد وهكذا كل سنة وإن شاء الله يكون بفايدة للناس اللي بتسمعنا

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com