61. ما يسأله المستمعون - الجزء السابع

تكملة لحلقة الاسبوع اللي فات..
هنتعرف النهاردة على 3 من مستمعي كلام ينور اللي شاركونا تجاربهم واسئلتهم..
وفي الحقيقة النماذج الموجودة في حلقة النهاردة هتديكوا أمل أن الموضوع سهل وممكن يتحقق ومفيش مستحيل!
النهاردة معانا عبدالله وأحمد ومديحة ، رغم صغر سنهم إلا انهم حققوا خطوات حقيقية في إتجاه استقلالهم المالي..
هنسمع منهم النهاردة تجربتهم مع بودكاست كلام ينور ، وازاي البودكاست فرق معاهم ، والخطوات اللي حققوها وخطواتهم القادمة وطبعاً تسجيل اللقاءات تم بموافقتهم..

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

60. ما يسأله المستمعون - الجزء السادس

النهاردة الحلقة الـ 60 واحنا اتعودنا كل 10 حلقات بنعمل حلقة نرد فيها على أسئلتكم فالنهاردة موعدكم مع جزء جديد من ما يسأله المستمعون ولكن بشكل مختلف شوية..
في شهر مارس اللي فات نزلنا على صفحتنا دعوة لأي حد من مستمعي كلام ينور حابب يتكلم مع شمس مباشرة في أي تساؤلات مالية خاصة بس بشرط واحد وهو إنه يبعتلنا إيه الخطوات المالية اللي أخدها في طريقه للاستقلال المالي بعد ما بدأ يسمع كلام ينور، خطوات زي فتح حساب بنكي (جاري / توفير) أو تسديد مديونيات الكريدت كارد أو حساب سمسرة وهكذا
في الواقع احنا كنا مقدمين الدعوة دي لـ 5 أشخاص ولكن عدد اللي شاركونا تجاربهم كانوا أكتر من كده ودي كانت مفاجأة سعيدة لينا الحمدلله فحبينا نشاركوا تجاربهم دي على عدة حلقات قادمة إن شاء الله لأنها في الحقيقة تجارب مفيدة وملهمه وطبعاً تسجيل اللقاءات دي تم بعد موافقتهم
النهاردة معانا نورهان أبو العنين وعبد الله عبد الغني اتنين من مستمعي كلام ينور اللي شاركونا تجاربهم واسئلتهم وهنسمع منهم إيه الخطوات اللي حققوها والخطوات القادمة وازاي كلام ينور فرق معاهم؟
نتمنى ان الحلقة دي والحلقات القادمة يكونوا سبب وإلهام ليكو انتو كمان تبدأوا تاخدوا خطوات في طريقكم للاستقلال المالي

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

59. 8 مراحل فالطريق للحرية المالية

بعد ما أتكلمنا كتير في مواضيع مالية مختلفة ومصطلحات مالية كتيرة أهمها مصطلح الحرية المالية ، حبينا النهاردة نعرّفك "الطريق" للحرية المالية نفسه بقى شكله عامل ازاي؟
8 مراحل مالية مختلفة في الطريق للحرية المالية
ازاي تحط نفسك على الطريق وتعدي من مرحلة لمرحلة وإيه مميزات وعيوب كل مرحلة هو ده موضوع حلقتنا النهاردة
01:34 مرحلة الاعتماد المالي
02:13 مرحلة الملاءة المالية
03:00 مرحلة الاستقرار المالي
04:24 مرحلة الأمن المالي
07:32 مرحلة الثقة المالية
09:59 مرحلة الاستقلال المالي
11:36 مرحلة الحرية المالية
12:28 مرحلة الوفرة
هدف حلقة النهاردة هو إنك تعرف أنت واقف في أي مرحلة مالية عشان لو محتاج تاخد خطوة لقدام تعرف المرحلة اللي جايه محتاجه منك إيه وتبدأ تشتغل عليها عشان توصل للي بعديها واللي بعديها وهكذا

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

58. كل ما تريد معرفته عن ثاندر Thndr - الجزء الثاني

حلقة النهاردة هي الجزء الثاني من حوارنا مع أحمد حمودة الشريك المؤسس لمنصة ثاندر للتداول (أول منصة مصرية للاستثمار الإلكتروني)
تقدروا تتواصلوا مع أحمد هنا: Ahmad Hammouda @LinkedIn
وأي حد هيحمل التطبيق من الرابط ده https://thndr.page.link ويعدي بكل خطوات فتح الحساب هيحصل على مكافأة تصل إلى 1000 جنيه

في الجزء الثاني:
02:22 أنت بتختلف إيه عن البنك العادي؟
03:40 إيه طرق التمويل اللي بتتعامل بيها؟
04:50 ازاي فلوسي بتكون مضمونه عندك؟
10:55 أنت على المنصة بتطرح صناديق استثمار؟
15:02 هل بتقدم أي خدمات تكميليله على المنصة؟
18:20 مين المسؤول عن الاستثمارات وفق الشريعة الإسلامية؟
20:23 هل تجربة المنصة كمستخدم شايفها سهله؟
21:25 ازاي بتحمي بيانات المستخدمين بتوعك؟
25:32 أنت كثاندر بتعمل فلوسك ازاي؟
27:03 ازاي أحمد بيعرف إن العميل مضايق؟
29:20 قولنا حاجه عن أحمد بعيده عن ثاندر

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

57. كل ما تريد معرفته عن ثاندر Thndr - الجزء الأول

من أكتر الاسئلة اللي بنتسألها ديماً عايز ابدأ استثمر ومش عارف استثمر فين .. إيه المنصات اللي احنا ككلام ينور ممكن ننصح بيها! وبما اننا بنحاول ديماً نكون حياديين على قد ما نقدر.. فقبل ما نرشح أي منصة لازم على الأقل نعرفك مين أصحاب المنصة؟ بيقدموا إيه؟ وإيه مزايا وعيوب المنصة دي؟
ضيفنا النهاردة هو أحمد حمودة شريك مؤسس لمنصة ثاندر (أول منصة مصرية للاستثمار الإلكتروني) هنتكلم مع أحمد على مدار حلقتين في عرض شامل وكامل لمنصة ثاندر.. إيه اللي بيميز ثاندر وإيه هدفها واسئلة تانية كتير..
تقدروا تعرفوا أكتر عن أحمد وتتواصلوا معاه من هنا: Ahmad Hammouda @LinkedIn
ولمستمعي كلام ينور أي حد هيحمل التطبيق من الرابط الموجود على صفحتنا ويعدي بكل خطوات فتح الحساب هيحصل على مكافأة تصل إلى 1000 جنيه كبداية للاستثمار
حمل التطبيق من هنا: https://thndr.page.link
في الجزء الأول بنتكلم عن :
02:33 إيه هي منصة ثاندر في 10 ثواني؟
03:08 أنت كمؤسس لثاندر عايز إيه؟
03:47 هل لقيت فجوة في السوق وأنت بتفكر في الفكرة دي؟
04:30 إيه اللي بيميز ثاندر عن باقي المنصات الموجودة؟
05:19 إيه الصعوبات اللي بتواجه الأفراد وبتحاول تسهلها من خلال التطبيق ده؟
06:22 مين العميل بتاعك أو الهدف اللي أنت عايزه أو مين اللي هيستفيد من المنصة بتاعتك؟
06:48 إيه العائد الإقتصادي بتاع العميل اللي هيجي المنصة وازاي القرار ده ممكن يغير حياته؟
08:58 كلمني على قاعدة المستخدمين بتوعك من ساعة ما ابتديت ثاندر من حيث النمو؟
10:56 هل بتشوف طلاب جامعة مثلاً بيحوشوا على جانب وبيحاولوا يفتحوا محافظ؟
13:54 كشركة شايف ازاي ممكن تتطور في السنين اللي جايه؟
14:48 كلمني على السوبر ماركت؟
17:17 بتفكر ازاي في المنافسة كرائد أعمال؟
20:57 هل نقدر نقول إن ثاندر هي الدمج ما بين التكنولوجيا والخدمات المصرفية؟
22:34 عدد الموظفين عندك قد إيه تقريباً؟
24:16 أنت كمؤسس إيه الحاجه اللي بتقلقك؟
27:52 إيه الخبر اللي ممكن لما تسمعه يخليك مبسوط؟
30:14 هل أنت راضي باللي أنت حققته لحد النهاردة في ثاندر؟
30:45 هل في حاجه ممكن نعملها لمستمعي كلام ينور؟
ده الجزء الأول من حوارنا مع أحمد حمودة واحد من مؤسسي منصة ثاندر.. استنونا الاسبوع الجاي هنكمل كلامنا واسئلتنا عن منصة ثاندر

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

56. أهمية العائد على الاستثمار وتطبيقه على العقارات

أتكلمنا في حلقة قديمة على العائد على الاستثمار ولكن النهاردة بنتكلم على أهمية العائد على الإستثمار من منظور آخر وخاص أكتر بالعقارات
ازاي معرفة العائد على الإستثمار ممكن يساعدني أخد قرار استثماري صحيح! وازاي ممكن يساعدني أقارن بين الفرص الإستثمارية المتاحة أو حتى أقارن بين أساليب الدفع سواء كاش أو بالتمويل البنكي!

في هذه الحلقة:
01:24 أهمية العائد على الإستثمار
02:53 الندرة النسبية
04:59 وحدة الربحية
05:42 إيه الأحسن أحط فلوسي في شهادة إستثمار ولا عقار؟
07:26 مثال رقمي للتوضيح
13:32 لو معايا مليون جنية أشتري وحده واحده ولا أحط مقدم لـ 5 وحدات؟
14:41 السيناريو السلبي للسوق
15:20 لو السوق نزل وعندي القدرة أدفع الأقساط هل البنك ممكن ياخد البيت مني؟
17:26 لازم أحوش عشان أجيب البيت؟
18:05 السيناريو الإيجابي للسوق
20:56 ازاي حساب العائد على الاستثمار بيساعدني أخد قرار استثماري صحيح؟
22:13 أشتري كاش ولا بالقسط؟
23:43 خاتمة
يارب حلقة النهاردة تكون مفيدة ، الموضوع ممكن يبقى معقد شوية فحاول تسمع الحلقة كذا مره ولو حسيت أنك متلخبط أو عندك سؤال أبعتلنا على صفحتنا على السوشيال ميديا

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

55. مقتطفات مالية - الجزء الثاني

النهاردة الحلقة التانية والأخيرة من مقتطفات مالية واللي بنلخص فيها الجزء الثاني من الحلقات اللي قدمناها في البودكاست من أول ما بدأنا.. الحلقة اللي فاتت لخصنا أول 20 حلقة تقريباً.. يارب ملخص الحلقات يكون فكرة مفيدة ليكواونكون سهلنا على الناس الجديدة تاخد فكرة سريعة عن المواضيع اللي أتكلمنا فيها في البودكاست
لو بتسمع الحلقة من خلال موقعنا هتلاقي في الجزء الخاص بـ Transcript روابط لكل الحلقات اللي غطناها في الحلقة تقدروا ترجعوا تسمعوها كاملة

مقتطفات الجزء الثاني :
01:06ما وراء كروت الإئتمان
01:32خطوات إلى الاستقلال المالي
02:45خُلاصة الحسابات البنكية
03:00ازاي تستفيد من صناديق الإستثمار؟
03:32حكايتي مع المجال المالي
04:36أعجوبة العالم الثامنة (الفوائد المركبة)
06:29الإكتتابات العامه IPO
07:54ما وراء أختيار البنك
08:46الخصومات وألوان الجمعة المختلفة (الحقيقة المُرة)
09:33التكلفة الحقيقية للتدخين
10:12ازاي تبدأ شركتك الناشئة
11:26ميزانيتك: إزاي وليه؟
12:41ميزانيتك: الخطوات والتفاصيل
13:23الزكاة (101)
14:36أزاي تقيم أدائك في البورصة
15:02من هو المستثمر الأفضل .. الرجل أم المرأة؟
15:59العائد على المجهود
16:50ما وراء صناديق الاستثمار المتداولة ETF
17:44الأسهم - السندات

وبكده نكون خلصنا إحتفالات بسنة أولى كلام ينور.. شكراً جداً على وقتكوا وتفاعلكوا معانا خلال السنة اللي فاتت كلها واحنا ديماً منتظرين تشاركونا آرائكم ومقترحاتكم واسئلتكوا والمواضيع اللي حابين نتكلم فيها في الحلقات الجديدة إن شاء الله

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

54. مقتطفات مالية - الجزء الأول

زي ما الناس متابعة معانا احنا بقالنا سنة بنقدم البودكاست .. فحبينا نعمل وقفه كده ونرجع نبص على المحتوى كله ونفتكر المواضيع اللي أتكلمنا عليها من أول ما بدأنا ونعمل زي ملخص سريع كده لأهم النقاط اللي أتكلمنا عليها في الحلقات السابقة
وكمان في ناس كتير جديدة بدأت تسمعنا (وفقاً للأرقام الخاصة بالبودكاست في الفترة الأخيرة) فحبينا برده نعرّف الناس الجديدة على المحتوى بتاعنا عن طريق إننا هنقدم حلقتين بعنوان مقتطفات مالية هنلخص فيهم الحلقات كلها اللي قدمناها وهنبدأ النهاردة بالجزء الأول واللي هيكون ملخص للحلقات من 1 لـ 20

مقتطفات الجزء الأول:
02:12 ليه تسمع كلام ينور
03:05 علاقة الحياة المالية بالصحة النفسية
04:50 الفلوس وسيلة أم غاية؟
06:50 سعادتك في الامتلاك المادي ولا اكتساب الخبرات؟
07:47 ١٠ أخطاء شائعة تمنعك من الاستثمار
08:48 ما وراء شرا العربية
09:20 التقاعد
10:45 هل للوقت تأثير على الفلوس؟
11:37 يوفوريا
13:21 ما وراء طلب القرض
14:05 هل أنت غني أم ثري
15:34 بدايات الإدخار – الجزء الأول
17:03 بدايات الإدخار – الجزء الثاني
17:33 التحيز
17:58 رحلة داخل شركات السمسرة
18:32 أمناء الحفظ
19:08 ما وراء إقتناء حيوان أليف
19:38 الاستثمار العقاري.. هل يستحق؟ (شراء للتأجير)

يارب تستمتعوا بالحلقتين دول.. احنا حبينا نسهل على الناس الجديدة إنها تعرف المواضيع اللي أتكلمنا عليها فترجع تسمع الحلقات القديمة لو حبت المواضيع دي وللناس اللي بتسمعنا من الأول هي حاجه مفيدة برده إننا نرجع نفتكر المواضيع دي تاني مع بعض..
استنوا الجزء التاني الإسبوع الجاي إن شاء الله ..

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

53. رؤية للحياة المالية في سنة - عيد ميلاد كلام ينور (من كلوب هاوس)

بمناسبة عيد ميلاد كلام ينور الأول عملنا أول لايف (مسجل) من صفحة كلام ينور على كلوب هاوس مع صديقنا عمرو عبد الفتاح ، هدفنا من اللايف ده إننا نحتفل معاكوا ده أكيد وكمان حبينا نعمل ملخص سريع لكلامنا خلال السنة

في الحلقة :
ملخص سريع عن كلام ينور
ليه كلام ينور (بودكاست)؟
هل حققت ربح مادي من البودكاست؟
خلال 52 حلقة عندي فضول أعرف أكتر حلقة الناس سمعتها؟
إيه أكتر سؤال أتسألته خلال السنة؟
ليه ديماً مركز في كلامك على المدى الطويل؟
الحرية المالية كمفهوم؟
ازاي كأفراد ممكن نتعامل مع التضخم عشان نحافظ على قيمة الفلوس؟
الدولار زاد ولسه هيزيد إيه اسرع تصرف ممكن نعمله عشان نحمي الفلوس اللي معانا؟
نوع الاستثمار اللي يحقق عائد أعلى في فترة قليلة؟
ازاي نتعلم نصرف فلوسنا؟

لو متابعينا من أول ما بدأنا أبعتولنا تجربتكم وشاركونا استفدتوا ازاي؟ وحبيتوا إيه؟ وعاوزنا نطور إيه في السنة الجديدة؟ وإيه المواضيع اللي حابينا نركز عليها أكتر في الحلقات اللي جاية إن شاء الله

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

52. بعد سنة

النهاردة احنا بنحتفل معاكوا بسنة أولى كلام ينور
الحمدلله على مدار سنة كاملة قدرنا ننزل 52 حلقة بمعدل حلقة إسبوعياً
في حلقة النهاردة شمس بيحكلنا عن تجربته بعد السنة
إيه اللي أتعلمه خلال السنة دي وازاي التجربة دي كانت مفيدة بالنسباله وغيرت في طريقة تفكيره
إيه الحاجات اللي كانت غير متوقعه في تفاعلكم معانا وحصلت بفضل الله
احنا هدفنا الأساسي من البودكاست ده إننا نوصلك المعلومة بطريقة تقدر تاخدها وتترجمها في حاجه تأثر بيها على حياتك فمتحاولش تعرف المعرفه للمعرفه حاول تشوف المعرفة دي ازاي ممكن تطبقها على حياتك وشغلك وتستفيد منها
يارب السنة دي تكون فرقت معاكم ونالت رضاكم وقدرنا نبسطلكم الحياة المالية بشكل سهل ونكون إضافة خفيفة ولطيفة للروتين الإسبوعي بتاعكم وإن شاء الله السنة اللي جايه كمان نوفق للمزيد من الحلقات والمعلومات اللي تساعدكم وتنال رضاكم بإذن الله

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com