71. ما يسأله المستمعون - الجزء الثامن

حلقة جديدة وجزء جديد من حلقات ما يسأله المستمعون
استكمالاً للحلقة 60 والحلقة 61 وخلونا نفتكر سريعاً كده إيه اللي حصل في الحلقتين دول!
في شهر مارس اللي فات نزلنا على صفحتنا دعوة لأي حد من مستمعي كلام ينور حابب يتكلم مع شمس مباشرة في أي تساؤلات مالية خاصة وعلى مدار الحلقتين 60 و61 سمعنا تجارب 5 من مستمعي كلام ينور
النهاردة بنكمل مع رنا ومصطفى سليمان اتنين من مستمعي كلام ينور اللي شاركونا تجاربهم واسئلتهم وهنسمع منهم إيه الخطوات اللي حققوها والخطوات القادمة وازاي كلام ينور فرق معاهم؟
واحنا ديماً بنستنى أسئلتكم وأستفساراتكم سواء رسالة صوتية أو رسالة مكتوبة واحنا بنجمع كل الاسئلة اللي بتوصلنا وبنرد عليها في حلقات ما يسأله المستمعون

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

70. استضافه مع خمسة بيزنس - الجزء الثاني

النهاردة هنكمل الجزء الثاني من استضافة يوسف العقاري وبودكاست خمسة بيزنس لعمر شمس وبودكاست كلام ينور
خمسة بيزنس هو بودكاست عربي بيناقش استراتيجيات نمو الشركات أونلاين ، اسم غني عن التعريف في عالم البودكاست وواحد من أفضل البودكاستس العربية
تابعوا بودكاست خمسة بيزنس هنا: خمسة بيزنس

يوسف العقاري إستشاري في النمو الرقمي ومقدم بودكاست خمسة بيزنس
تقدروا تعرفوا أكتر عن يوسف من هنا: Youssef El-Akkari @LinkedIn

- لو نفترض إني همشي على ميزانية 50 اساسيات و30 كماليات الـ 20 بقى هل بستثمرهم كلهم؟
- هل مفروض أعمل حساب لتأمين أولادي مستقبلاً قبل حساب التقاعد بتاعي؟
- هل بختار نوع الاستثمار اللي هحط فلوسي فيه على أساس هدفي منه (تقاعد / طوارئ)؟
- مخاطر إدخار الفلوس في البيت
- الدخل السلبي ..
- لو بقى معاك 10 مليون في حساب البنك هتسثتمرهم ازاي؟
- ازاي أوزع استثماراتي بطريقة تخليني مستريح؟
- هل ببني صندوق الطوارئ وبعد كده ابدأ في صندوق التقاعد ولا ببني الأتنين مع بعض؟
- لو عاوز استثمر في حاجه المخاطرة بتاعتها عالية .. هل هتكون من ضمن صندوق التقاعد ولا زيادة في الدخل؟
- الكريبتو أكتر الاستثمارات المخاطرة بتاعتها عالية.. هل أنت كعمر بتشوف استثمارات تانية المخاطرة بتاعتها عالية؟
- امتى الدهب هيكون له محل في إستثماراتك كعمر؟

في الحقيقة إن استضافة خمسة بيزنس لكلام ينور واحد من أفضل وأشمل اللقاءات اللي اتكلمنا فيها في كل حاجه تقريباً.. يارب الحلقتين ينالوا إعجابكم ويكون فيهم إستفادة ليكم ونشوفكوا الاسبوع الجاي في حلقة جديدة إن شاء الله

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

69. استضافه مع خمسة بيزنس - الجزء الأول

النهاردة كلام ينور في ضيافة يوسف العقاري وبودكاست خمسة بيزنس ، خمسة بيزنس هو بودكاست عربي بيناقش استراتيجيات نمو الشركات أونلاين ، اسم غني عن التعريف في عالم البودكاست وواحد من أفضل البودكاستس العربية
تابعوا بودكاست خمسة بيزنس هنا: خمسة بيزنس

يوسف العقاري إستشاري في النمو الرقمي ومقدم بودكاست خمسة بيزنس
تقدروا تعرفوا أكتر عن يوسف من هنا: Youssef El-Akkari @LinkedIn

- ليه بنلجأ للجمعيات عشان نجنب فلوس على جنب؟
- ازاي أعود نفسي محتاجش الجمعية؟
- ممكن أنصح أولادي أو أي حد صغير بطريق مختلف ممكن يتبعه عشان ميقعش في نفس الصعوبة؟
- لو بدأ يتبقى في جيبي فلوس من الشهر.. أدخر في إتجاه إيه؟
- ازاي أعرف إن صرفي ده داخل نطاق إمكانياتي؟
- ممكن تدينا نسب سريعة لحاجات مختلفة في الميزانية؟
- لو قدرت أدخر هل الخطوة اللي بعد كده أني ابدأ استثمر؟
- هل ممكن أخد كل المدخرات اللي عرفت أدخرها واسافر بيها؟
- هل لازم كخطوة أولية أعمل تتبع لميزانيتي وأكتب كل جنية بصرفه؟

ده كان الجزء الأول من لقاء عمر شمس مع يوسف العقاري وبودكاست خمسة بيزنيس.. أستنونا الإسبوع الجاي في الجزء الثاني

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

68. الفرق بين الموظف ومؤسس الشركة - الجزء الثاني

حلقة النهاردة هي الجزء الثاني من لقائنا مع أمين الخولي ضيفنا اللي مشرفنا في كلام ينور بنكمل حديثنا عن الشركات الناشئة والأفكار الجديدة ، واللي بيحصل من تطورات في المجال الشركات الناشئة

أمين هو الرئيس التنفيذي للعمليات بشركة Modus Capital
شركة بتهتم بالشركات الناشئة ، وعندهم برامج دعم الشركات الناشئة والاستثمار في الشركات الناشئة

تقدروا تتواصلوا مع أمين من خلال الرابط : Elkholy @LinkedIn

ازاي بتنصح الناس تفكر في العائد على الوقت بتاعها من ناحية الشركة؟
لو أنا رائد أعمال هل لازم أبقى محدد فكرتي دي محتاجه رأس مال كتير ولا؟
إيه أغرب الأفكار اللي شوفتها بتتعمل في الفترة الأخيرة؟
هل في الفترة الأخيرة شوفت فكرة سهلة زي ما بيقولوا فكرة بمليون جنية وبعد ما بدأت تتطبق منجحتش؟
هل التنفيذ عليه عامل كبير جداً في نجاح أي فكرة؟
توقع القدرة التنافسية للمنتج بتاعك في المستقبل شيء مهم
في نهاية لقائنا مع أمين هدفنا تعرف إن كل واحد عنده شخصية وتركيبة فكرية معينة وظروف مختلفة لكن الحاجه المشتركة اننا نفكر ونحط الأرقام بتاعتنا ونحاول نعرف العوائد سواء أنا في وظيفة أو هفتح شركتي وبعدين أخد القرار من ناحية علمية مش من ناحية عاطفية

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

67. الفرق بين الموظف ومؤسس الشركة - الجزء الأول

حلقة النهاردة مع أمين الخولي ضيفنا اللي مشرفنا لتاني مرة في كلام ينور بنتكلم عن الشركات الناشئة والأفكار الجديدة ، واللي بيحصل من تطورات في المجال الشركات الناشئة

أمين هو الرئيس التنفيذي للعمليات بشركة Modus Capital
شركة بتهتم بالشركات الناشئة ، وعندهم برامج دعم الشركات الناشئة والاستثمار في الشركات الناشئة

تقدروا تتواصلوا مع أمين من خلال الرابط: Elkholy @LinkedIn

هل في قاسم مشترك بين الناس اللي بتشتغل وظيفة ثابتة واللي بيشتغل في شركة ناشئة أو بيبدأ شركة ناشئة؟
السؤال اللي الناس كلها بتسأله ازاي أزود دخلي؟
لو واحد عنده موهبه معينه ممكن تتباع في كذا قطاع هل تنصحه يوظف موهبته دي في قطاع معين؟
إيه الفرق بين انك تبقى موظف أو رائد أعمال؟
في نموذجين من الناس يا إما فاتح شركته وعايز يرجع موظف أو الموظف اللي عايز يفتح شركته
المغامر ممكن يكسر خط معين أو يعدي حاجز نفسي معين ولكن مش معناه إنه بيعمل حاجه مجنونه صح؟
هل الشخص المغامر أو رائد الأعمال ده بيتولد كده ولا في طباع في شخصيته ولا ممكن يتعلم مهارات معينة
هل أنت شايف أن في تطور موجود فعلاً في المجال ده بين الأجيال الجديدة والقديمة؟
الناس مبقتش بتخاف تسيب شركات كبيرة بقالها سنين طويلة وتروح تجرب فكرة أصغر أو فريق هو مقتنع بيه او مصدق فيه
الشركة بتستغل حب الراجل أو الست اللي بيشتغل في الشركة بقاله 15 سنة في الثبات بتاع الوظيفة والولاء للشركة
ديماً بنصح الناس اللي بتخاف تغير شغلها الناس ممكن يكون الاستثمار السلبي هو الحل
ده الجزء الأول من لقائنا مع أمين استنونا الأسبوع الجاي في الجزء التاني وإن شاء الله الحلقة دي تقدر تساعد أي حد عنده فكرة جديدة حابب يبدأها

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

66. المجال المالي كوظيفه

لو أنت طالب في الجامعة أو خريج جديد أو بدأت تخطو خطوات في حياتك المهنية وعندك طموح تشتغل في المجال المالي .. إيه الحاجات اللي المفروض تعملها وتتعلمها وتركز عليها عشان تعرف إمكانياتك وتفهم نفسك ، وتكبر في المجال اللي أنت حابب تشتغل فيه

ضيفنا النهاردة هو وائل غنيم - مدير إدارة تداول المؤسسات في شركة ضمان للإستثمار بالإمارات - بيقدملنا شوية نصايح وكلام مهم من واقع خبرته ورحلته في المجال المالي..

تقدروا تتواصلوا مع وائل من هنا : Wael Ghoneim @LinkedIn

01:58 لو حد عنده طموح يبدأ في المجال المالي تنصحه بإيه؟
05:56 إيه المصادر الآخرى الغير تقليدية اللي الناس ممكن تتعلم منها؟
07:16 إيه رأيك في اليوتيوب والبودكاست كمصادر للمعرفة؟
08:04 إيه رأيك في التجارب والخبرات.. يعني الخبرة مقابل المعرفة بتبص للموضوع ده ازاي؟
09:59 هل أنت مقتنع بقوة الفريق على المدى الطويل؟
10:50 مرحلة الإدارة الوسطى في الشركة بتشوفها ازي؟
12:03 إيه اللي بيميز المجال المالي عن غيره من المجالات؟
14:03 لو أنت مشتغتلش في المجال ده كنت هتشتغل في إيه؟
18:53 لو حد عايز يبدأ في المجال المالي يبدأ ولا يروح يدور على حاجه تانية؟
حلقة النهاردة فيها ملاحظات ونصايح مهمه ممكن تطبق في أي مجال حابب تشتغل فيه مش بس المجال المالي
حلقة النهاردة دردشة بسيطة لأي حد مهتم يشتغل في المجال المالي أو أي حد لسه بيحاول يكتشف نفسه والنصايح دي ممكن تطبق في أي مجال عموماً مش بس المجال المالي..

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

65. ما وراء كروت الائتمان (إعادة)

سألت نفسك قبل كده ليه عندك كارت ائتمان؟ ليه بتستخدم الأداة المالية دي؟ هل تعرف مزاياها وعيوبها؟ هل تعرف ازاي ممكن تستفيد بيها في حياتك؟ حلقة النهاردة بنتكلم فيها على البطاقات الائتمانية أو ما يطلق عليها (فيزا)

في هذه الحلقة :
02:10 ايه هي كروت الائتمان؟ وليه البنك بيديك كارت ائتمان وهتستفيد منه ازاي؟
02:50 الفرق بين البطاقة الائتمانية والقرض العادي اللي بتاخده من البنك؟
03:25 البنك بيحاسبك على كارت الائتمان ازاي؟
05:18 هيحصل إيه لو اتأخرت في سداد الفايدة على البطاقة الائتمانية؟
05:55 على أي اساس البنك بيفتحلك كارت الائتمان؟
07:33 ازاي البنك بيلعب على نفسية المتعاملين؟
09:45 دراسة أمريكية: 50% من مستخدمي كروت الائتمان بتخش ديماً في فوايد وهي مش واخده بالها
13:41 الناس بتصرف من الكروت الائتمانية على إيه؟
14:50 مساوئ الكروت الائتمانية؟
16:04 القوة الشرائية الخاطئة
17:33 ازاي البطاقات الائتمانية بتأثر عليك نفسياً؟
18:19 فوايد البطاقات الائتمانية؟
20:55 هل انت بحاجة للكارت ائتماني؟
22:03 هل مشترياتك بتستاهل كمية الفوايد اللي انت بتدفعها؟
22:42 ازاي اخرج من ديون البطاقة الائتمانية؟
25:45 قلل استهلاكك وسدد ديونك
27:35 ازاي توظف الديون اللي بتاخدها بطريقة استثمارية ذكية توصلك للحرية المالية

حلقة النهاردة مهمه جداً لأن عدم استخدامك للكروت الائتمانية بشكل صحيح هيدخلك في ديون ودي من أكتر الاسباب اللي بتمنعك توصل للحرية المالية وبتأخرك عن تحقق أهدافك سواء كان الهدف ادخار أواستثمار

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

64. مخاطر سوق الأسهم

من أكتر الاسئلة اللي بتجي من الناس اللي بالذات معندهاش خلفية عن الاستثمار : ازاي استثمر في الأسهم !
في حلقة النهاردة بنتكلم بطريقة نوعاً ما علمية على مخاطر الاستثمار في البورصة أو في سوق الأسهم ، والمخاطر هنا مش بس إن السعر ينزل! إيه اللي بيخلي السعر ينزل أو يطلع بعيداً عن أداء الشركة نفسها؟
02:19 مخاطرة السوق
03:12الأسواق الناشئة تعتبر من الأسواق اللي مخاطرة السوق فيها عالية جداً مقارنة بالأسواق المتقدمة
04:58 المستثمرين بيعملوا إيه عشان يبعدوا عن مخاطرة السوق؟
07:42 مخاطرة الفوايد
09:50 ازاي أتجنب المخاطرة كمستثمر؟
11:55 مخاطرة الأعمال (سهم في قطاع أو شركة)
13:19 مخاطرة الإدارة السيئة
14:27 ازاي اتجنب مخاطرة الأعمال والإدارة السيئة؟
14:57 مخاطرة وقف أو تعليق التداول على سهم معين
16:38مخاطرة السيولة
18:03 مخاطرة العملة
19:32 مخاطرة سياسة الدولة
20:25 هل أنا كمستثمر هعرف أبعد نفسي عن المخاطر دي؟
دي بشكل عام المخاطر اللي جايه من السوق ومش هتقدر تسيطر عليها ، الفكرة اللي احنا بنتكلم فيها النهاردة مش بتقولك متستثمرش في الأسواق الخطر.. لأ بتقولك إنك لما تستثمر في الأسواق الخطر لازم محفظتك تبقى في مستوى معين تقدر تكون مرتاح وتنام وأنت مطمن.

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

63. خطة تنفيذ الميزانية

اتكلمنا في الحلقة 37 على إيه هي الميزانية وليه الميزانية مهمه وفي الحلقة 38 اتكلمنا على تقسيمة الميزانية كبنود.. في حلقة النهاردة بنتكلم عن ازاي أقدر أنفذ الميزانية بتاعتي دي على أرض الواقع. حلقة النهاردة هي تطبيق عملي على تنفيذ الميزانية. حمل ملف الإكسل الموجود تحت الحلقة هنا وهنمشي مع بعض بالخطوات..
01:47 ليه بتواجه صعوبات وقت تنفيذ الميزانية؟
02:19 الخطة التنفيذية.. ازاي تنفذ الميزانية؟
04:05 التحويلات البنكية
05:35 المصروفات المتوقعة
06:08 البنود الأساسية
07:52 بند المواصلات
08:38 بند التأمين
09:04 بند طلبات البيت (الأكل، الشرب، ...)
09:43 بند الأولاد (مصاريف مدارس، رياضة،...)
10:41 بند الكماليات (لبس، سفر، فُسح،...)
11:32 الاستثمار للتقاعد / للطوارئ
13:59 ازاي تنفيذ وتحليل الميزانية هيساعدك على المدى الطويل؟
16:00 مفيش طريقة سحرية.. أوصل بالطريقة اللي تريحك!
التعامل مع الفلوس طول الوقت ممكن يسبب إجهاد ذهني ونفسي، هدفنا من الحلقة هو إزاي تنفذ ميزانيتك بطريقة سهلة ولذيذة وتقلل التفكير في الفلوس على قد ما تقدر. لو شايف أنك بتنفذ ميزانيتك بطريقة أسهل من اللي أتكلمنا عليها في الحلقة وبتحقق نتايج أفضل شاركنا على صفحتنا على السوشيال ميديا وممكن نتكلم فيها بشكل أكبر مع الناس.

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

62. داخل دماغ المستهلك

كتب الحلقة: مصطفى أحمد - من مستمعي كلام ينور

كنا نزلنا على إنستجرام سؤال: ازاي نقلل الصرف في السوبر ماركت؟
في الحقيقة جالنا إجابات كتير، وواقعياً هو موضوع مهم ويستحق اننا نتكلم عنه، لان زي ما كلنا عارفين الأكل والشرب أساس الحياة لأي انسان ، وفي جزء لا بأس به من الميزانية بيتصرف في البند ده ولكن مع الأسف نسبة كبيرة من الناس بتصرف على البند ده بطريقة غير عقلانية تماماً!
كلنا بنحتاج نروح السوبرماركت نجيب طلبات البيت فخلينا نقول إن حلقة النهاردة موجهة لكل الناس اللى بتسمعنا باختلاف حالتهم الإجتماعية ومراحلهم العمرية، وضروري جداً تكون فاهم وواعي بالحيل التسويقية اللي بيلجألها أصحاب المحلات لجذبك كمستهلك.
والسوبر ماركت هنا إشارة لأي مكان بنشتري منه احتياجاتنا الأساسية.. سوبر ماركت، محل بقالة، كشك.. أياً كان المسمى، أي مكان بتنزل تشتري منه بنفسك او اونلاين
في حلقة بنقسم عملية الشراء بتاعتنا لـ 3 مراحل:
مرحلة ما قبل السوبر ماركت
مرحلة وأنت في السوبر ماركت
مرحلة ما بعد السوبر ماركت
الهدف من الحلقة مش اننا نقولك متشتريش خالص أو قلل إستهلاكك..لأ، الهدف انك تكون واعى بطريقة صرفك وتعرّف عقلك ازاى يفرق بين اللى أنت عاوزه واللي انت محتاجه.. والفرق بينهم كبير!

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com