101. رحلة لعالم الدفع الإلكتروني - الجزء الأول

النهاردة ميعادنا مع رحلة جديدة بنتعرف فيها على جزء مهم من قطاع التكنولوجيا المالية، معانا النهاردة ضيف جديد في كلام ينور أ/ أحمد عنايت الرئيس التنفيذي لشركة الأهلي ممكن، شركة مصرية مرخصة للمدفوعات الإلكترونية
في الوقت الحالي، كلنا تقريباَ بقينا بنستخدم كروت إئتمان أو كروت الخصم المباشر أو محافظ الإلكترونية، في حلقة النهاردة بنتناقش مع ضيفنا في موضوع الأمن الإلكتروني وأمن الشبكات، ازاي بياناتنا بتكون محمية، وإيه المعايير اللي الناس بتدور عليها عشان يشتغلوا في شركات الدفع الإلكتروني
أ/ أحمد عنايت خبرة طويلة في مجال التكنولوجيا المالية فوق الـ 20 سنة تقدروا تتواصلوا مع ضيفنا من هنا : Ahmed-Enayet @LinkedIn

02:38 لو هتعرّف الأهلي ممكن، إيه هي شركة الأهلي ممكن؟
03:42 إيه هو الدفع الإلكتروني؟
05:11 الشركة دي معمولة لمين، يعني مين اللي ممكن يستخدم الأهلي ممكن؟
07:30 هل شوفت إتجاهات عالمية سواء من فيزا أو ماستركارد بتقلل الاحتيال أو السرقة؟
10:30 هل البيانات اللي عندك في الشركة بتكون مشفرة؟
13:08 إيه المتطلبات الأولية اللي بتحتاجها من العميل عشان يفتح حساب عندك؟
14:26 هل بتشوف التطور بتاع العميل بتاعك؟
16:25 السؤال اللي بسأله لأي حد عنده شركة أنت بتعمل فلوس ازاي، العائد بتاعك بيجي منين؟
20:34 ازاي كصاحب محل يبقى عندي جهاز "نقاط البيع"؟

استنونا الاسبوع الجاي في الجزء الثاني من رحلة لعالم الدفع الإلكتروني

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

100. ١٠٠ حلقة في ٦٠ دقيقة‎

النهاردة بنحتفل معاكم بالحلقة رقم 100 من بودكاست كلام ينور، حبينا تكون حلقة مختلفة شوية عن العادى ، عملنالكم فلاش باك مدته 60 دقيقة على رحلتنا من اول ما بدأنا البودكاست، الحلقة يمكن تكون طويلة شوية عن العادى بس هي مقتطفات سريعة كده من الحلقات كلها
للناس اللي بتسمعنا النهاردة لأول مرة الحلقة دي ممكن تكون فرصة حلوة انكم تتعرفوا علينا بسرعة، وتعرفوا احنا قولنا إيه في الحلقات اللي فاتت ولو في أجزاء عجبتكم ممكن ترجعوا تسمعوا الحلقات بالكامل
www.kalamyenawar.com على الموقع بتاعنا
في الجزء الخاص بالـ Transcript هتلاقوا الحلقة كلها مكتوبة بالدقايق وعنوان كل حلقة عبارة عن Hyperlink هيوديكوا على طول على الحلقة عشان تقدروا تسمعوها أو تقرأوها كامله
وفي النهاية، من قلبنا بنشكر كل مستمعينا وضيوفنا وكل الناس اللي ساعدونا أن البودكاست ده يطلع للنور ويوصلكم بالشكل ده، شكرا جدا على استماعكم للبودكاست وعلى تفاعلكم معانا على مدار 100 حلقة اللي فاتوا، وديماً هنستنى منكم تبعتولنا آرائكم ومقترحاتكم وإيه المواضيع اللي حابين نتكلم فيها في الحلقات القادمة بإذن الله

99. رحلة داخل شركات الـ VC - الجزء الثاني

النهاردة بنكمل كلامنا عن قطاع تمويل الأفكار الناشئة وشركات رأس المال المخاطر في الجزء التاني من لقائنا مع ماري تيريز
ماري تيريز، حاصلة على درجة البكالوريوس في الاقتصاد من جامعة القاهرة في عام 2003 ودرجة الماجستير في الاقتصاد المالي من جامعة وارويك بإنجلترا في عام 2007. بدأت حياتها المهنية في مجال الخدمات المصرفية التجارية ، وانضمت في نوفمبر 2017 لـ Flat6Labs كشريك إداري لصندوق القاهرة وحالياً ماري بتقدم استشارات استثمارية للشركات الناشئة والصناديق سواء الموجودة في مصر أو اللي داخلة مصر وعايزة تعرف أكتر عن السوق المصري
Marie-Therese @LinkedIn : تقدروا تتواصلوا مع ماري من هنا

01:12 ازاي بتفكري كمديرة صندوق؟
06:42 أول صندوق اشتغلتي فيه كنتي بتركزي على الشركات في أي مرحلة؟
07:23 إيه أكبر مشاكلك كمديرة صندوق؟
10:52 بعيدا عن العلم و الارقام هل بيبقى عندك شعور أن الفكرة دي مش هتنجح؟
13:55 هل شوفتي النموذج اللي بيروح يخبط على كل الأبواب وبيترفض وبعدين ينجح؟
16:16 النجاح، هو إيه من وجهة نظرك الشخصية كمديرة صندوق؟
17:50 هل المجال ده هو اللى انتى حابه تكملي فيه باقي حياتك؟
19:03 كلميني على مين المستثمر اللي بيستثمر في الصندوق؟
23:30 هل المستثمر الملاك ممكن يبقى عضو في مجلس الإدارة؟
24:27 هل استثمر في شركات معينة ولا اشتري صندوق عنده مجموعة من الأفكار؟
حلقتين من أهم الحلقات اللي هتبقى موجودة في كلام ينور؛ لأنه قطاع مهم ومش سهل ومحتاج بحث كتير، فـ نتمنى أن الحلقتين دول يكونوا مرجع لأي حد حابب يفهم أكتر عن القطاع ده

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

98. رحلة داخل شركات الـ VC - الجزء الأول

بما اننا في شهر مارس شهر المرأة وامبارح كان يوم المرأة العالمي حبينا النهاردة نحتفل بالمناسبة دي مع ضيفتنا اللي منورانا النهاردة ماري تيريز ضيفة جديدة وصديقة عزيزة في كلام ينور
ماري تيريز، حاصلة على درجة البكالوريوس في الاقتصاد من جامعة القاهرة في عام 2003 ودرجة الماجستير في الاقتصاد المالي من جامعة وارويك بإنجلترا في عام 2007. بدأت حياتها المهنية في مجال الخدمات المصرفية التجارية ، وانضمت في نوفمبر 2017 لـ Flat6Labs كشريك إداري لصندوق القاهرة وحالياً ماري بتقدم استشارات استثمارية للشركات الناشئة والصناديق سواء الموجودة في مصر أو اللي داخلة مصر وعايزة تعرف أكتر عن السوق المصري
تقدروا تتواصلوا مع ماري من هنا: Marie-Therese @LinkedIn
حلقة النهاردة من أهم الحلقات اللي هتبقى موجودة في كلام ينور؛ لأنها بتسلط الضوء على قطاع كبير ومهم هو قطاع تمويل الأفكار الناشئة وشركات رأس المال المخاطر

03:30 في عالم رأس المال المخاطر يعني إيه حاضنة الأعمال و مسرعة الأعمال؟
06:30 كلمينا على مراحل التمويل؟
10:48 كرائد أعمال ازاي أوصل للناس انها اصلاً تاخدني في حاضنة الأعمال؟
12:19 في حاضنة الأعمال، هو عايز مني إيه؟ أو عايزني اروحله بإيه؟
18:10 إيه الجوانب السلبية اللي ممكن تحصلي كرائد أعمال وأنا رايح للحاضنة أو مسرعة الأعمال؟
21:44 كلميني عن شبكة العلاقات وأهميتها لرائد الأعمال؟
23:20 لو هتقولي لرائد أعمال أوعى توري مسرعة الأعمال الصفة دي ودي ودي ، هتقوليله ايه؟
25:04 كرائد أعمال ممكن افقد قد إيه من دخلي؟
27:56 مين ماري تيريز وعملت إيه؟
استنونا الإسبوع الجاي في الجزء التاني من رحلتنا مع ماري..

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

97. استضافة مع يوماً ما - الجزء الثاني

النهاردة الجزء التاني من استضافتنا مع عمر المجالي مقدم بودكاست يوماً ما - The one day podcast
بودكاست يوماً ما بيساعدك تحط أهداف في مجالك أو في أي مجال انت مهتم بيه ، لأنه بيستضيف رواد أعمال مؤثرين وقصص نجاح ملهمة من الوطن العربي كله وبيشارك المستمعين أهم أدوات النجاح في الحياة والعمل
تقدروا تتابعوا عمر المجالي على اليوتيوب من خلال رابط القناة :
https://www.youtube.com/@Omar.almajali

01:23 إيه الحاجات اللي ممكن تحسب حسابها قبل ما تدخل في أي قرار استثماري؟
07:07 هل في أي تطبيقات أو وسائل للاستثمار تقدر تشاركنا بيها؟
11:19 ما هو الفرق بين الشخص الغني والشخص الثري؟
15:56 احكيلنا اكتر عن عمر شمس ما وراء الكواليس؟
18:36 كيف بتقسم وقتك ما بين الشغل والبودكاست وبين دور الأب ودور الزوج؟
20:25 نصيحتك للأشخاص اللي حابين يلحقوا شغفهم؟
28:08 لو هترجع لورا 10 / 15 / 20 سنة وتعطي لعمر نصيحة واحدة شو بتكون؟
29:31 ما هو تعريفك للنجاح؟
29:56 ما الذي تطمح لتحقيقه يوماً ما؟

يا رب تكونوا استمتعتوا بالحلقتين دول واستنونا في حلقة جديدة الأسبوع الجاي ان شاء الله

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

96. استضافة مع يوما ما - الجزء الأول

في حلقة الاسبوع ده والاسبوع الجاي هنذيعلكم لقاء كنا ضيوف فيه عند عمر المجالي مقدم بودكاست يوما ما - The one day podcast اللقاء كان طويل ومثمر ، واتكلمنا في موضوعات لطيفة ومختلفة في المجال المالي واتبسطنا جدا مع عمر المجالي

بودكاست يوما ما بيستضيف قصص نجاح ملهمة في المنطقة لمشاركة أهم أدوات النجاح في الحياة والعمل
تقدروا تتابعوا عمر المجالي على اليوتيوب من خلال رابط القناة: https://www.youtube.com/@Omar.almajali

05:46 ليه بدأت بودكاست عن محو الأمية المالية؟
07:42 ضيوف كلام ينور اللي بتستضيفهم مين هما؟ هل أشخاص عندهم خبرة بعالم المال بيقدروا يشاركوها مع جمهورك ولا هل هما ناس طبيعيين عندهم اسئله؟
09:30 عمر بيفضل إنه يكون صوت من خلف البودكاست عشان الناس تركز بالمحتوى اللي بيقدمه؟
10:13 احكيلي اكتر عن العلاقة ما بين الحياة المالية والصحة النفسية أو الصحة بشكل عام
14:06 إيه هي الأركان الرئيسيه اللي لازم دايما نفكر فيها لما بنحكي على الادارة المالية او الصحه مالية السليمة؟
19:05 رأيك إيه في موضوع الكريديت كارد بشكل عام؟
25:53 كيف بتتعامل مع موضوع الادخار بشكلك اليومي؟
ده كان الجزء الأول من استضافة مع بودكاست يوما ما وعمر المجالي استنوا الجزء التاني الاسبوع الجاي..

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

95. الإدراج المزدوج (Dual Listing)

موضوع حلقة النهاردة جالنا عن طريق مستمع بعتلنا رساله عايز يفهم أكتر عن الإدراج المزدوج للسهم في سوقين ماليين مختلفتين في وقت واحد .. بنتكلم النهاردة عن ايه هو الإدراج المزدوج؟ الهدف منه؟ وإيه الاستفادة اللي بتعود على الشركات من الإدراج المزدوج؟

01:06 يعنى إيه إدراج مزدوج؟
03:03 الهدف الرئيسي للإدراج المزدوج؟
03:51 ايه الفرق بين الأسهم في الإصدار الرئيسي والإصدار الآخر؟
04:27 هل قيمة السهم في السوق الآخر لازم تبقى زي السوق المحلي؟
06:25 ما هو الاربيتراج (الموازنة) في التداول؟
07:32 ليه الشركات بتعمل طرح مزدوج؟
08:00 إيه الاستفادة اللي بتعود على الشركات من الإدراج المزدوج؟
10:17 مؤشر السوق الرئيسية
11:46 إيه اللي بيفرّق بين البورصة في بلدين؟

لو عندكم أسئلة في الموضوع ده شايفين إننا مردناش عليها في الحلقة ياريت تبعتلنا اسئلتكم واستفساراتكم واستنونا الاسبوع الجاي في حلقة جديدة من كلام ينور

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

94. وهم المعرفة

النهاردة بنكمل كلامنا عن أنواع الأوهام والتحيزات اللي بتأثر علينا وقت اتخاذ القرار ، اتكلمنا الحلقة اللي فاتت عن "وهم السيطرة" ، في حلقة النهارده بنتكلم على نوع جديد من الأوهام اللي الناس بتوهم نفسها بيها وهو "وهم المعرفة" ازاي وهم زي ده بيأثر عليك وعلى قراراتك الاستثمارية

01:40 إيه هو وهم المعرفة؟
06:05 إيه العوامل اللي بتخلي عندي وهم المعرفة؟
06:13 تحيز التأكيد
07:10 تأثير الخبراء
08:50 التحيز الناتج عن التاريخ
09:48 تأثير المجموعة
11:32 تحيز توافر المعلومة
12:40 إيه المصادر اللي باخد منها معلوماتي؟
13:30 اتجاه السوشيال ميديا للفيديوهات القصيرة (معلومة في رغيف)
14:00 لو عايز تبقى خبير أو فاهم في حاجة معينة ، تعمل إيه؟
14:20 نوّع مصادر معرفتك
15:17 اسمع لرأيك وللرأي الأخر
15:49 التعميم مشكله كبيره
16:59 المعرفة بالذات والقدرات
17:53 المعلومات بتتجدد كل يوم ، فمتوقفش تعليم!
19:54 وهم المعرفة والحرية المالية

وهم السيطرة ووهم المعرفة حلقتين هيساعدوك على المدى الطويل انك تعمل خطط استثمارية احسن ، متصدقش كل حاجه بتسمعها ، اسمع ودور واعمل البحث بتاعك واقتنع وحاول على قد ما تقدر تشيل أي تحيزات جواك وقت اتخاذ القرار..

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

93. وهم السيطرة

موضوعنا النهاردة ممكن تكون قرأت عنه في كتب علم النفس ولكن احنا النهارده بنتكلم عليه من منظور عملي اكتر وهو "وهم السيطرة" ، حلقة لطيفة للناس اللي بتحب تفهم نفسها وبتحب تفهم آلية اتخاذ القرارات ، ازاي تحيز زي ده بيأثر على اتخاذ القرارات وخاصة القرارات الاستثمارية

01:32 وهم السيطرة
02:44 تجربة من الواقع
06:47 شعور زائف بالثقة المفرطة
07:50 ازاي "تحيز السيطرة" بيحصل في الاستثمار؟
08:49 ازاي اعالج الموضوع ده؟
10:37 خطوات عشان "تحيز السيطرة" ميتغلبش على تفكيرك؟
10:55 مبدأ "عدم الوضوح" في الاستثمار
11:49 الاعتراف بالتحيزات النفسية
12:12 النتائج عشوائية مش ابيض واسود
12:44 متدخلش الاستثمار بالعاطفة
13:20 شيل نفسك من الموضوع انت مش السبب
13:53 أكتب قراراتك على ورق وحللها
15:15 استشير الناس واسمع ارائهم وتقبل النصيحة

وقت اتخاذ القرارات سواء قرارات استثمارية أو أي قرار بتاخده في حياتك أعرف الأول ايه المعطيات اللي في أيدك ولو المعطيات دي كتيره وغير مؤكدة خلي بالك النتائج بقت خارجة عن سيطرتك..

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com

92. ميزانيتك: الخطوات والتفاصيل (إعادة)

حلقة النهاردة (إعادة) للحلقة 38 اللي بنتكلم فيها على التفاصيل الداخلية في كل بند من بنود الميزانية الأشهر (50 - 30 - 20) اللي هي 50% أساسيات 30% كماليات و20% توفير بشكل عملي ومفصل أكتر

على الموقع بتاع كلام ينور هتلاقي ملف أكسل تحت حلقة النهاردة تقدر تنزله وتشوف التفاصيل اللي احنا بنتكلم عليها تمشي خطوه خطوه في البنود دي وتحفظه عندك والسنة الجاية تغيره وتعمل ملف جديد وهكذا كل سنة وإن شاء الله يكون بفايدة للناس اللي بتسمعنا

03:18 بند الدخل
06:22 بند المصاريف الأساسية 50%
07:35 بند السكن
09:37 بند الأكل والشرب
10:35 بند المواصلات
12:08 بند التأمينات
13:06 بند الأولاد
15:02 بنود الكماليات 30%
17:40 بنود التوفير 20%
22:11 هل أوزع استثماري في بنود التوفير كلها ولا أركز على بند واحد بس؟
24:33 اللي عنده فائض 50% من دخله هيعمل إيه؟
25:10 ليه متابعة الميزانية مهمه؟

خليك عارف إن ميزانيتك السنة دي هتختلف عن السنة الجاية واللي وراها لأننا مش بنبني ميزانية لأكتر من سنة ، أهم حاجه وأنت بتتوقع حط زيادة شوية للأمان يعني متحطش الرقم بالظبط ، لأن ممكن يحصل زيادة في إستهلاكك أو يحصل زيادة في الأسعار!

زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة
www.kalamyenawar.com