25. الصحة ام الرفاهية هذا هو السؤال؟

في الحلقة استضيف ا.د. جليس رضاوي علشان نتكلم عن حاجة كلنا بنشوفها في الشغل-برامج رفاهية، شعارات عن الاهتمام بالموظفين، وتمارين تنفس-لكن الإرهاق والاحتراق الوظيفي لسه موجودين، ويمكن أكتر من الأول.هل المشكلة فعلًا في العامل؟ولا في الشغل نفسه؟في الحوار ده بنفكك مفهوم -الرفاهية- في أماكن العمل،ونوضح الفرق بين الاهتمام الحقيقي بصحة العامل،وبين الحلول السهلة اللي بتظهر بعد ما الضرر يكون حصل.هنتكلم عن:ليه الإرهاق مش ضعف شخصيإزاي الشغل نفسه ممكن يكون مصدر الخطروليه الوقاية وتصميم العمل الصحي أهم من أي برنامج رفاهيةومين فعلًا مسؤول عن صحة العامل: الفرد؟ ولا المؤسسة؟حلقة ضرورية لأي حد بيشتغل، أو بيدير ناس، أو بيهمه الشغل يكون صحي قبل ما يكون -مريح-.

24. تطعيمات الشغل

بمناسبة أسبوع التطعيم العالمي، بنفتح ملف مهم يمكن ما بنتكلمش عنه كتير...-التطعيم في الشغل- 💉💼يعني إيه تاخد لقاح وانت بتشتغل؟ وليه الشكة الصغيرة دي ممكن تحميك وتحمي زمايلك وتخلي الشغل ماشي؟معانا في الحلقة د. أحمد الجوهري - أخصائي الصحة العامة - وهنتكلم عن معلومات مهمة جدًا، ونرد على كل الأسئلة:🟡 هل فعلاً التطعيم بيمنع العدوى في أماكن الشغل؟🟡 إيه التطعيمات اللي الموظفين محتاجينها؟🟡 وإزاي الشركات ممكن تشارك في حماية العاملين؟ده غير فقرة عن الخرافات الخاصة بالتطعيمات... هنكشف فيها حقايق كتير!🎧 اسمعها للآخر، وشاركها مع زمايلك... لأن الوقايةخير من العلاج

23. شُغل سنان

هل عمرك حسّيت إن ضغط الشغل بيأثر على أسنانك؟ من القهوة والشاي اللي ما بتخلصش، لجزّ الأسنان بسبب التوتر، أو حتى إهمال تنظيفها وسط الزحمة اليومية؟ الحقيقة إن صحة الفم والأسنان مش مجرد رفاهية، دي حاجة بتأثر على راحتك وإنتاجيتك في الشغل أكتر مما تتخيل!عشان كده، في الحلقة دي بنستضيف د. آلاء محمد، مدرس الصحة العامة بكلية طب الأسنان - جامعة عين شمس، واللي هتشاركنا معلومات مهمة عن:🦷 إزاي بعض المهن ممكن تضر بصحة الأسنان والفم؟☕ ليه العادات اليومية في الشغل ممكن تسبب مشاكل على المدى الطويل؟💡 إزاي تحافظ على صحة فمك حتى وسط أيام الشغل المزدحمة؟❌ تصحيح أشهر الخرافات المنتشرة عن العناية بالأسنان في بيئة العمل!وكالعادة، هنقدم نصائح عملية وسهلة التطبيق، عشان تحافظ على ابتسامتك وثقتك بنفسك مهما كان ضغط الشغل! 💼✨

22. السكر في الشغل

في الحلقة دي، بنتكلم عن موضوع مهم بيخص كتير مننا: -السكر في الشغل-. هنتعرف مع دكتور/ عمرو صالح ، مدرس الغدد الصماء بجامعة عين شمس، على مرض السكر وأثره على حياتنا اليومية، خصوصًا في بيئة العمل. هنتكلم عن إزاي مرضى السكر يقدروا يوازنوا بين صحتهم وشغلهم، وإزاي أصحاب الأعمال وزملاء الشغل يقدروا يدعموا البيئة دي. كمان هنتكلم عن نصايح لتجنب الإصابة بالسكر، وخطوات بسيطة ممكن نعملها كل يوم علشان نحافظ على صحتنا وإنتاجيتنا. حلقة مليانة معلومات مفيدة، توعية، ونصايح عملية!
🎧 اسمع الحلقة دلوقتي واعرف إزاي تعيش حياة مهنية نشيطة وصحية حتى لو عندك السكر!

21. الكهرباء "الزيادة" في الشغل

-في الحلقة دي، هنتكلم عن موضوع مهم وممكن
يكون حساس لبعض الناس: الكهرباء الزبادة او الصرع في مكان العمل. معانا النهارده
ضيف مميز جدًا، د. شادي سامي، مدرس طب المخو والأعصاب في جامعة عين شمس، اللي
هيشرح لنا كل حاجة محتاجين نعرفها عن الصرع، أسبابه، وإزاي بيأثر على حياتنا
اليومية، خاصة في بيئة العمل.
-
هنناقش مع د. شادي أسئلة زي:
إيه هي نوبة الصرع وإزاي نتعامل معاها؟
هل في عوامل معينة ممكن تخلّي بيئة الشغل آمنة
أكتر لزملائنا اللي عندهم صرع؟
إزاي نوفر دعم نفسي ومهني لزملائنا من غير ما
نحسسهم بأي إحراج أو تمييز؟
كمان هنركز على أهمية التوعية في مكان العمل
علشان نبني بيئة متفهمة وآمنة للجميع. الحلقة هتكون مليانة معلومات قيمة، نصايح
عملية، وكمان شوية مواقف واقعية علشان نبسط الموضوع ونحسسه قريب مننا

20. احلام سعيدة مع دكتور محمد الشيخ

حلقة مميزة جدًا استضيف فيها الدكتور محمد الشيخ، استشاري الصحة النفسية. هنتكلم معاه عن
أسرار النوم العميق وإزاي نقدر نحقق راحة حقيقية كل ليلة.
الدكتور محمد هيشاركنا بنصايح عملية للتغلب على الأرق ومشاكل النوم، وهيفهمنا إزاي ممكن جودة نومنا تأثر على حياتنا اليومية، من الطاقة اللي بنبدأ بيها يومنا لغاية صحتنا النفسية والجسدية.
هنكتشف سوا العوامل اللي بتساعدنا ننام نوم هانئ، وإيه الأخطاء اللي بنعملها وبتخلينا مش قادرين ننام بشكل كويس.
خليكوا معانا في حلقة مليانة معلومات مفيدة هتغير مفاهيم كتير عن النوم وتخليكوا تعرفوا إزاي تقدروا تلاقوا راحتكم الحقيقية كل ليلة.

19. ضغط افضى الى موت

في حلقة النهاردة من دكتور الشغل بنفتح ملف التوتر والإجهاد اللي بيمر بيه كتير مننا كل يوم.
معانا الدكتور أحمد عادل، استشاري الطب النفسي، هيكلمنا عن الأمراض النفسية والجسدية اللي ممكن يسببها التوتر، زي الاكتئاب وأمراض القلب وحتى الأزمات القلبية. وأهم النصايح للتعامل مع الإجهاد قبل ما يتحول لمرض خطير. ما تفوتش الحلقة دي

18. الزم حدودك

في الحلقة دي من دكتور الشغل مع د. فيروز توفيق، هنتكلم عن ازاي نحط حدودنا الشخصية من غير ما نخسر احترام وحب اللي حوالينا في الشغل طبعا.
لو حسيت إن في ناس بتعدي حدودها معاك في الشغل أو في حياتك اليومية، متقلقش! هنساعدك تحافظ على مساحتك بطريقة ذكية ومهذبة. حلقة خفيفة، وهتعلمك إزاي تحافظ على سلامك النفسي!-

17.تعاطفك لوحده (ممكن يكون) كفاية

في الحلقة دي من دكتور الشغل، هنتكلم عن موضوع مهم ومثير، وهو -تعاطفك لوحده (ممكن يكون) كفاية-. معانا الدكتور أحمد عبد الكريم اللي هيشاركنا برؤيته عن إزاي نقدر نوازن بين التعاطف والمسؤولية في الشغل. هل فعلاً يكفي إنك تكون لطيف ومتعاطف عشان تنجح؟ وإزاي التعاطف ممكن يبقى قوتك السرية لتحقيق الأهداف؟ اسمعونا عشان نناقش أفكار واقعية وخطوات عملية عشان تعرفوا إزاي تكونوا ناجحين بقلب حساس وعقل مسؤول. حلقة مميزة بجد، متفوتوهاش!

16. راحة مكتبك

في الحلقة دي من -دكتور الشغل- ، استضيف الدكتورة ولاء بريقع، متحصصة في مجال المواءمة او الارجنوميكس. هنتكلمعن إزاي نقدر نحول مكتبنا لمكان مريح وملهم للشغل، ونقدم نصايح عملية وسهلة التنفيذ علشان نحافظ على صحتنا وراحتنا طول اليوم.
هنتكلم عن كيفية الجلوس الصحيح قدام المكتب، واختيار الكرسي المناسب، وتوزيع الأدوات المكتبية بشكل يضمن راحة وإنتاجية أعلى. كمان هنتكلم عن أهمية فترات الراحة والحركة خلال اليوم، وأدوات وأجهزة ممكن نستخدمها لتحسين بيئة العمل.
ما تفوتوش الفرصة علشان تخلوا مكتبكم مكان أكتر راحة للشغل.
#راحة_المكتب #دكتور_الشغل #بيئة_العمل #صحة_المكتب #نصايح_مكتبية #صحة_العمل #جلسة_صحيحة #كرسي_مريح #إنتاجية_أعلى #راحة_نفسية #بيئة_عمل_صحية #حلول_بسيطة #نصائح_عملية #ارغونوميا #صحة_مهنية

#OfficeComfort #TheWorkDoctor #WalaaBrikaa #WorkEnvironment #OfficeHealth #OfficeTips #WorkplaceWellness #ProperPosture #ComfortableChair #IncreasedProductivity #MentalComfort #OfficeExercises #HealthyWorkEnvironment #SimpleSolutions #PracticalTips #Ergonomics #Occupationalhealth