تخطيط لاحتياجات المواد MRP Materials Requirements Planning

(Material Requirements Planning) MRP
نظام التخطيط للاحتياج من المواد يعتبر النظام الاكثر شيوعا في عالم الصناعات لتنفيذ الطلبات لتنفيذ الطلبات التابعة ( اصدار اوامر الشراء و التصنيع لمواد و اجزاء المنتجات النهائية بالكميات المطلوبة و الوقت اللازم ) , و هو عبارة عن برنامج مرتبط بقاعدة بيانات يستمد منها المدخلات المطلوبة ومن ثم اجراء حسابات لاصدار الطلبات هذا النظام يكون مربوط عادة بنظام التخطيط لموارد التصنيع.
- في البداية حابب اتكلم عن حاجه مهمه و هي المراحل الرئيسية للتخطيط للانتاج :
1- التنبؤ بالطلب المستقبلي
2- التخطيط الاجمالي و الجدولة الرئيسية للانتاج
3- التخطيط للاحتياجات من المواد
4- جدولة الانتاج
و احنا كإدارة مشتريات يهمنا في المراحل دي عملية التخطيط للاحتياجات لانها هتبقي مسؤليتي اني اوفر الاحتياجات المطلوبة لانتاج المنتج سواء كانت ( مواد اولية – قطع غيار – منتجات مساعدة – مقاولين من الباطن و غيرها من انواع المشتريات المختلفة ) .
· اي نظام انتاجي له مدخلات و مخرجات علشان اكون محدد انا محتاج اي ؟ في زمن قد ايه ؟ بكمية قد ايه ؟ و هو دا المفهوم الرئيسي للتخطيط للاحتياجات من المواد .
· مدخلات MRP
1- الجدول الرئيسي للانتاج Master production schedule و دا بيكون موجود فيه كل المعلومات اللي محتاجها عن المنتج من كميات في كل فترة من فترات الانتاج .
2- قائمة المواد Bill of materials : بيكون متاح معلومات عن نوع و كميات الاجزاء و القطع المطلوبة لانتاج وحدة واحده من المنتج النهائي .
و خلينا ناخد مثال يسهل الامور هو مشهور جدا في عالم الانتاج ( الهيكل الهرمي لعملية التصنيع ) :
كما هو موضح بالصورة : انا عاوز انتج منتج F الكمية 1 و لانتاجه محتاج منتجين (A20 ) كمية 4 و (Z1) كمية 1 لكن نلاحظ علشان انتج منتج A20 محتاج ((X100/3 +K5/1+R60/2 و علشان الموضوع يكون اكثر تنظيما في انا محتاج نظام و جدول ياخد المعلومات دي و يربطها ببعض و يقولي ايه الاولوية عندي .
3- المخزون الابتدائي : محتاج اعرف ايه من المواد دي وقت بدا الخطة متاح عني في المخزن و غير محجوز لخطط اخري و اقدر استخدمه لان دا هيوفر عليا في وقت الانتاج .
4- الكميات المجدولة سابقا : محتاج اعرف اذا كان في كميات راجعة من خطط اخري بسبب عدم احتياجها او مثلا ان وقتها انتهي او حصل مشكلة ما مع المورد و هتبقي مخزن بعد فترة .
5- ازمنة الانتظار LEAD TIME : وهو الزمن المتوقع لانتاج كل منتج نهائي و كل مكون و زمن طلب الشراء لكل بند من اصدار امر الشراء لوقت دخولها عملية الانتاج .
· المخرجات من MRP :
1- الكميات المخطط لتخزينها حتي نهاية كل فترة .
2- الاوامر المخطط لاصدارها حتي نهاية كل فترة .
في معلومة مهمة لازم تعرفها قبل ما تبدا تعمل جدول التخطيط وهي معرفة نظام التخطيط للاحتياج من الطاقة CRP :
بمعني ايه ؟ انا محتاج اعرف الطاقة الانتاجية المطلوب تنفيذها بالكامل و هل المصنع بتاعي قادر علي توفيرها ولا لا ؟
علشان كده نظام التخطيط للاحتياج من الطاقة بيستخدم للربط بين MRP و ارضية المصنع من حيث العمالة و الماكينات و الموادر المختلفة المطلوبة و اذا كانت الطاقة اقل من المطلوب فأنا ممكن اتفق مع مدير المصنع علي تغير مسار التصنيع او ازود فترات عمل اضافية او عمل عقود باطن مع مصنعين اخرين .
اخيرا بعد كل المعلومات دي و توافرها ازاي اعمل MRP :
انا محتاج اعمل جدول للمنتج النهائي عندي و جدول لكل مكون من المكونات الموجودة في الهيكل الهرمي لعملية الانتاج .
و علشان ابدا عمل الجدول ببدأ من المنتج النهائي نزولا لاصغر مكون في عملية الانتاج مع وضع المدد الزمنية لكل مكون .
تقسيم الجدول :
- الصف الاول : الكميات المطلوبة خلال الفترة المقبلة
- الصف التاني : الكميات المجدولة سابقا ليتم استلامها خلال الفترة القادمة
الصف الثالث : المخزون الابتدائي خلال بدا فترة الانتاج
- الصف الرابع : صافي الكميات المطلوبة خلال الفترة المقبلة = الصف الثالث – الصف الثاني – الصف الاول
- الصف الخامس : الكميات المخطط استلامها الفترة المقبلة
- الصف السادس : الكميات المخطط تخزينها حتي نهاية الفترة المقبلة (الكميات الزائدة عن الاحتياجات )
- الصف السابع : الكميات المخطط لاصدار اوامر لتوفيرها خلال الفترة المقبلة
- اعمدة الجدول تمثل الفترات .

material list قائمة المشتريات

شرح ازاى كا مهندس مشتريات تعمل قائمة المشتريات لاى مشروع

افضل التقسيمات الاقتصادية المستخدمة في المشتريات تقسيم 20-80 🙏

يقول مبدأ باريتو أن 80% من النتائج سببها 20% من الأسباب. ويعرف هذا المبدأ أيضا بقاعدة 80 - 20. وسمي هذا المبدأ على اسم عالم الاقتصاد الإيطالي فيلفريدو باريتو الذي لاحظ أن 80% من الثروة في إيطاليا، يملكها 20% من السكان.

طيب ايه علاقة بالمشتريات :
طبقا لقانون باريتو أو 20/80 تنقسم بنود الشراء الى ثلاثة مجموعات

المجموعة A وهى تمثل 20% من اجمالى عدد بنود المشتريات ولكن تكلفتها قد تصل الى 80% من اجمالى تكلفة المشتريات.

المجموعة B وهى تمثل حوالى 30% من اجمال عدد بنود المشتريات ولكن تكلفتها قد تصل الى حوالى 12% من اجمالى تكلفة المشتريات

المجموعة C وهى تمثل حوالى 50% من اجمالى عدد بنود المشتريات ولكن تكلفتها قد تصل الى8% من اجمالى تكلفة المشتريات.

علشان كده و انا بتفاوض هختار المجموعة A

باقي المجموعات هتفاوض فيها اكيد بس مش هيكون تفاوض قوي اللي ممكن استخدم مبدأ فوز - فوز .

ازاى مهندس المشتريات بيشتغل

بص يا سيدي هقولك ملخص سريع لبداية اي مشروع عشان متتعبش كمهندس مشتريات
اول حاجه لازم يبقى معاك مستندات المشروع واللي هي في الغالب بتبقى
١- عقد المشروع Contract
٢- مقايسة المشروع BOQ
٣- المواصفات الفنية specifications
٤- لوحات tender
تمام كده ؟؟ 👌
طيب الخطوه اللي بعد كده اعمل ايه
بص يا هندسة انت هتقرأ عقد المشروع من باب العلم فقط لأن اغلب المعلومات اللي فيه تخص ال planning و cost control لكن انت بتقراه لمعرفة حقوقك ك مقاول ليس إلا
طيب و المقايسه ؟
ديه بقى اهم حاجه
هتقرأ المقايسة كلها بالتفصيل و تطلع منها
١- البنود اللي تخصك كتوريد فقط و تعمل حاجة اسمها marerial list
٢- هتبعت ال material list دي لقسم ال planning عشان يبدأ يحطلك التواريخ اللي هتشتغل عليها البنود بتاعتك طول المشروع و تطلع حاجة اسمها Procurement plan
٣- هتقسم البنود حاجة اسمها work package كل بند في folder فيه مقايسته و مواصفته و لو ليه رسومات .. كل بند لوحده
٤- هتبدأ تبعت ال RFQ "طلب عرض السعر" للموردين سواء عندك vendor list للمشروع او انت عندك موردين لكل بند في المشروع
٥- هتعمل مقارنة اسعار بين عروض الاسعار اللي اتبعتتلك و بين budget "سعر" البند في المقايسة بتاعتك و اقل عدد موردين للمقارنة تلاتة او يزيد عن كده و تعمل حاجة اسمها compliance sheet و دي مقارنة technical بين العروض اللي جاتلك و بين مواصفة البند في ال specs الخاصة بمشروعك
بعد كده يا سيدي بتختار مورد او اتنين او تلاتة من حيث انه يكون مقبول بالنسبالك فنيا و سعره مناسب ليك و اقل من سعر البند في المقايسة و تكون عامل مكسب كويس من البند
٦- بعد ما بتختار الموردين من مقارنة الاسعار بتعمل حاجة اسمها material submittal بتعتمد المورد بخاماته من استشاري المشروع بتبعت العينات و الكاتلوجات و سابقة اعماله و اعتماداته من مشاريع سابقة و بعد ما يجيلك رد الاستشاري سواء بالاعتماد او الرفض بتكون قطعت نص الشوط كمهندس مشتريات في المشروع بتاعك
طب و بعد كده هعمل ايه ؟
٧- هتستني المشروع يبعتلك حاجة اسمها PR “Purchase Request “ او طلب شراء بالبند اللي محتاجه بكمياته و انت بناءاً عليه بتعمل مقارنة اسعارك تاني طبقا للموردين المعتمدين في البند
٨- بعد اعتماد المقارنة بتطلع امر التوريد “Purchase Order” بعد ما بتكون اتفقت مع المورد علي طريقة السداد و طريقة نقل الخامات
٩- لو اتفقت مع المورد علي دفعة مقدمة بتعمل حاجة اسمها Payment Request و بتسلمها للادارة المالية عشان يطلعوا الدفعة المقدمة للمورد عشان يبدأ يصنع و يورد و بعد ما يورد و يسلم فاتورته ياخد باقي الفلوس
١٠- بتعمل للمورد حاجة مهمة جدا اسمها supplier evaluation و ده بيكون تقييم للمورد عشان تعرف هتكمل معاه في مشاريع تانية جاية و لا خلاص كده تجربة و عدت و مش هتتكرر.
بس يا سيدي دي سريعا مهمة مهندس المشتريات في المشروع و اللي مش بتقل اهمية عن اي فرد في المشروع

مهام وظيفه مهندسة المشتريات

وصف وظيفة مهندس المشتريات

مهندس المشتريات هو الفرد الذي يقوم بتخطيط وتنفيذ استراتيجيات المشتريات لشركة أو منظمة بهدف ضمان توفير الموارد والمواد والخدمات اللازمة بأفضل جودة وبأقل تكلفة ممكنة. يلعب دورًا حيويًا في تحقيق أهداف المؤسسة وضمان استمراريتها من خلال إدارة العلاقات مع الموردين ومتابعة سلسلة الامداد.

مهام مهندس المشتريات:

تحليل الاحتياجات: يقوم بفحص متطلبات المشروع أو الشركة وتحديد الاحتياجات المادية والخدمية اللازمة لتحقيق الأهداف المحددة.

تطوير استراتيجيات المشتريات: يعمل على وضع استراتيجيات شاملة للمشتريات، مع الأخذ في الاعتبار الجودة، والتكلفة، والتسليم في الوقت المحدد.

بحث عن الموردين: يبحث ويقوم بتقييم الموردين المحتملين ويقوم ببناء علاقات معهم من أجل ضمان التعاون الفعّال.

تفاوض العقود: يتفاوض مع الموردين حول شروط العقود والأسعار وشروط التسليم والدفع.

إدارة العلاقات مع الموردين: يتولى متابعة العلاقات مع الموردين الحاليين ويعمل على حل أي مشكلات قد تنشأ خلال التعامل معهم.

مراقبة الأداء والجودة: يتابع أداء الموردين ويقوم بمراقبة جودة المواد والخدمات المقدمة وفقًا للمعايير المحددة.

إدارة المخزون: يدير مستودعات المواد والمخزون ويضمن توفير الكميات المطلوبة بناءً على الاحتياجات.

تقديم تقارير وتحليلات: يقدم تقارير دورية عن أداء عمليات المشتريات ويقوم بتحليل البيانات لتحسين الأداء المستقبلي.

المؤهلات والمهارات المطلوبة:

شهادة في مجال الهندسة أو إدارة الأعمال أو مجال ذو صلة.
فهم عميق لسلسلة الإمداد وأسس المشتريات.
مهارات اتصال قوية وقدرة على التفاوض.
القدرة على تحليل البيانات واتخاذ قرارات مبنية على الأدلة.
معرفة بأدوات الحوسبة وبرامج إدارة المشتريات.
ختامًا:

مهندس المشتريات يلعب دورًا محوريًا في ضمان توفير الموارد اللازمة للشركة بكفاءة وفعالية. من خلال تحسين استراتيجيات المشتريات وإدارة العلاقات مع الموردين، يساهم مهندس المشتريات في نجاح الشركة وتحقيق أهدافها المالية والتشغيلية.

نصائح لمهندسى مشتريات

نصائح ليك علشان تنجح ك Procurement Engineer :

1- دورة ادارة المشتريات بتبدأ من تحديد الاحتياجات الخاصة بالشركة و مبتخلصش طول ما الشركة شغالة ، بس طلبات الشراء بتبدا من طلب الشراء و تنتهي من استلام الفاتورة و المنتج و سداد القيمة .

2- التفاوض ليه طريقة و اهمية لازم تعلم نفسك ازاي تتفاوض و تعرف هتتفاوض علي ايه ، قاعدة باريتو 20/80 من اهم قواعد اللي هتفيدك في تحديد ايه الاجزاء في خطط المشتريات اللي لازم تتفاوض فيها و ايه اللي مضيعش وقتك فيه .

3- ليك 5 حقوق في المشتريات لازم تفوز بواحدة فيهم علي الاقل في التفاوض مع المورد ( السعر - الكمية- التوصيل - الجودة- الوقت ) كل واحده فيهم ممكن تبقي مكسب ليك ، مش دايما السعر بس هو الفيصل .

4- إدارة علاقتك مع الموردين دي ليها طرق و علم من اهمها الصدق و الصراحة و انك متخسرش مورد علشان مورد تاني ،
علاقتك مع موردينك هي قوتك في السوق و هي اللي هتوفرلك امداد دائم لمشاريعك و هتساعدك وقت الازمات ، تحافظ علي الاستقبال و الزيارات و الهدايا .

5- زيارة الموقع عند الانتهاء من التركيب مفيدة جدا علشان تعرف و تشوف شغلك اللي بتورده للموقع عامل ازاي و تحس فعلا بدورك الحقيقي .

6- لازم تكون صاحب اضافة في مكانك و تعرف ان دورك التوفير و تبقي مركز ربح للشركة مش خسارة او تكملة دورة مستندية .

7- لازم تعرف تدير وقتك ، تتابع دايما السوق ، تتابع طلبات الشراء ، يكون عندك مرونة و فهم للسوق و تغيراته ، الصبر و الحكمة و ادارة الازمات .

8- انت حلقة وصل بين شركتك و اقسامها و بين السوق ، متزهقتش و متملش و اتعلم .

9- لازم تبقي صاحب رؤية و عندك اهداف و تقدر تاخد قرار .

10- مش لازم تبقي شاطر و فاهم كل حاجه بتشتريها ،
بس لازم تعرف انت بتشتري ايه و ليه و يكون هيتركب فين ؟