الحلقة_٥٥ جيرو محبوسة سنة و ربع في تايلاند

جيرو أصلا كانت في سفرية من السفر التطوعي اللذيذ أبو تلات شهور في مدرسة صغيرة في قرية في اطراف تايلاند على الحدود مع لاوس، و مع كل صدمات الحضارية و العادات المختلفة اللي كانت بتقابلها و حتحكي لنا عليها كانت راكنة على أنها قاعدة تلات شهور و يعدوا، البلوف كله حصل لما الكورونا قفلت عليها لمده ١٥ شهر هناك و هنا بدأ التعايش مع الظروف و الحشرات و الحيوانات الخطيرة و الوحدة و الأكل العجيب و حاجز اللغة، حواديت ملهاش سقف ? حتسمعوها في البودكاست ده.

الحلقة_٥٤ شريف بتاع أكشن في باكستان

تعرف إيه عن باكستان السياحية، قليل جدا لو عارف.
شريف بتاع أكشن ضيفنا بقي حيحكي لنا عن القبض عليه على حدود أفغانستان، حيحكي لنا عن تحديه لأقوى رجل في العالم في باكستان ، حيحكي لنا على أخطر جسر شافه هناك و حيحكي لنا على أحلى منظر طبيعي ممكن نشوفه في حياتك، فيما يخص السايح العادي مش مستوى السوبر بندق ? فى البودكاست ده حنتعرف علي باكستان و شعبها و طبعهم، مطبخهم، تنوع المناطق الجغرافية من شمالها و جنوبها و حنعرف أهم الأماكن السياحية اللي لازم نروحها
أسمع ? البودكاست ده و حتستمتع بشدة ?

الحلقة_٥٣ ماجد و فيديو شقة براغ

في السفر تجارب فريدة تستحق نعيشها و نفكر فيها و معانا منها واحدة النهاردة، الحدوتة تبتدي لما أربع رجالة أصدقاء يأجروا شقة و هما مسافرين براغ، مساحتها صغيرة شويتين تلاتة ? تعالوا نسمع القصة كاملة من ماجد اللي برضه عمل عليها فيديو أدهش المشاهدين على الفيسبوك و عدى مليون مشاهد في كام يوم

الحلقة_٥٢ أزاي أستقر في جورجيا

تجربة بتيجي على بالنا كتير لما نسافر بلد تعجبنا، ليه مقعدش هنا و أستقر، بتعدي خاطر سريع أو طويل على معظمنا بس ناس قليلة بتاخد الخطوة و تجرب. محمود شد الرحال أول ما أتجوز هو و عروسته على جورجيا و حكلنا في البودكاست ده كل التفاصيل و أزاي الأحداث مشيت غير ما كان مخططلها خالص. أسمع البودكاست ? علشان تعرف اللي حصل

حصاد أخر سنة ٢٠١٩

آخر حلقة في ٢٠١٩، حنعدي علي كل سفرياتنا و تجاربنا في السنة، كمان المفاجأت الي قابلتنا في كل سفرية و تحدي السفر الطويل مع الحمل وعدناه ازاي والمعلومات الجديدة اللي عرفنها في الرحلات دي و بنخطط نسافر فين السنة في ٢٠٢٠ ?

الحلقة_٥٠ إزاي محمد بيسافر ببلاش تماما?

أيوة فيه ناس بتسافر ببلاش و مش بتجيب سيرة إزاي? محمد منهم بس حيعرفنا و يحكي لنا عن تجاربه في السفر ببلاش تماما من غير ما يدفع و لا قرش جوة و برة مصر
كمان حيدلنا على سكك السفر ببلاش علشان نعمل زيه و نلف العالم ?

?إسمع البودكاست ده و أنا متأكدة ان فيه كلام أول مرة تسمعه عن أسرار السفر ببلاش اللي الناس بتخبيها ?

الحلقة_٤٩ بحب السيما و بسافر أفلامها

شيماء مغرمة بالسينما ? و السفر ✈️ جدا حتحكي لنا في البودكاست ده عن الأماكن اللي سافرتها و كانت شيفاها في فيلم و كانت حلوة قد إيه أو متحليهة بالإخراج الشاطر لحد فين، أفلام شاروخان، فان ديزيل، جيمس بوند، كريم عبد العزيز، رأفت الهجان لحد الجولات الخاصة ببيوت ريا و سكينة.
إسمع ? البودكاست و سافر معانا في كواليس الأماكن اللي جوة الأفلام المشهورة

الحلقة_٤٨ ٧ مغامرات أدرنالين في جنوب أفريقيا

لو بتحب المغامرة تعملها أو تسمعها بودكاست النهارده ليك
ممكن تكون مش بتحب الألعاب الخطيرة برضه بس تحب تعرف الناس بتحبها ليه و بيحسوا بإيه
أمل لخصت لنا كل المغامرات الخطيرة في جنوب أفريقيا و رتبتلها إزاي هي و أصدقائها
أسمع البودكاست ده علشان تعرف كل تفاصيل المغامرة

الحلقة_٤٧ بدر يسافر ١٣ دولة في سنة الكورونا

و من نوادر السفر في سنة اللي سفر قدر الرحالة و أديب الرحلات بدر الوهيبي يسافر ١٣ دولة و يستمتع. إسمع البودكاست علشان تعرف حكاية مغامرة كل سفرية و تمت إزاي... من السفريات اللي حكلنا عنها بالتفصيل زيارته لإيران في زيارة استثنائية.
و لما توصل لآخر البودكاست حتلاقي كبسولة عن المناطق السياحية في سلطنة عمان و جمالها و تقدر تعمل فيها ايه.

الحلقة_٤٦ حروح فين في الهند مع نهلة عوض

الهند بلد سياحية مختلف عليها، ناس بتعقشها و ناس ترجع منها متضايقة، يمكن علشان هي كبيرة جدا و فيها تنوع رهيب فالتخطيط لسفرية حلوة هناك مهمة صعبة. الرحالة نهلة عوض من النوع الأول جدا. لما تسمع البودكاست بحكايتها و مغامرتها هناك حتشوف الهند الجميلة، احتفالات في الشوارع، طبيعة رائعة، شعب لذيذ و مضياف. البودكاست ده حيختصرلك الطريق لو بتفكر تسافر الهند حتعرف تروح فين بالظبط ، و لو مش ناوي تروح ممكن تغيير رأيك ?