الحلقة_٦٣ إزاي تسافر بشنط خفيفة

البودكاست ده مختلف جدا لأني بتكلم فيه مع مصطفى من بودكاست أفر جرين اللي دايما بيتكلم عن البساطة و المحافظة على البيئة، بس النهاردة الكلام كله عن السفر و إزاي كل واحد فينا بيحاول يشيل أقل شنط سفر و حنطلعلكم كل أسرارنا ?

الكبسولة_٢ السفر مع الأطفال

في الميني بودكاست ده حنقول كل التركات و الأفكار اللي حتحمينا من الكوارث و الفضايح في السفر مع الأطفال، من أول تحضير الشنطة و رحلة الطيارة لخطة الخروجات و الفسح.
إسمع البودكاست ده و شاركه مع الأهالي الحيرانة

الحلقة_٦٢ محمود و شعاع يلفوا أوروبا بالكرافان

لو من أحلامك تلف أوروبا بميزانية محدودة و في نفس الوقت تكون مرتاح، المعادلة الصعبة دي محمود حققها مع زوجته و أولاده. أسس كرافان بنفسه في وقت الكورونا الثقيل لما كنا قاعدين مش عارفين نسافر، و أنطلق أول ما الدول بدأت تفتح من ألمانيا يستكشف الدول الأوروبية. إزاي بنا الكرافان؟ بيعيشوا فيه إزاي؟ خطوط السير؟ و التحديات كلها في داخل البودكاست ?
لما تسمع للأخر حتعرف إزاي ممكن تأجر كرافان كسائح و تخوض نفس التجربة ?

الحلقة_٦١ Voyship حترجعلك فلوس الطيارة

إزاي أسافر و أوفر ثمن الطيارة، Voyship أبليكاشن
بتساعد أي مسافر يكسب مبلغ و هو مسافر عن طريق توصيله بناس عايزة تنقل حاجة من وجهة سفره بطريقة أمان
إسمع ? البودكاست مع محمد الجوهري مؤسس الأبليكاشن علشان تفهم إزاي حتستفيد و تبدأ تخطط لأول سفرياتك
لما تسمع أخر البودكاست حتعرف إزاي ممكن أسرة كاملة تسافر ببلاش تماما ?

الحلقة_٦٠ لف واحات مصر كلها مع خالد على موتسكله

خالد بيعرفنا على كل واحات مصر بعيونه، بحرية، خارجة، داخلة و غيرهم، حيحكي لنا قصص و حكايات و مغامرات عاشها في رحلاته المتعدد لكل واحة على موتسكله في سفر بطئ ممتع.
ناس قبلها و مخاطر عدى بها، لحد أخر حكاية في البودكاست حتفضل مترقب و بتفكر هو عدى بكل ده إزاي ?
إسمع البودكاست ده و أعرف واحات مصر بعيون رحالة بيسافر ببطء

الكبسولة_١ إزاي أحجز أرخص تذكرة طيران

أول ميني بودكاست عن كبسولة حجز الطيران، حيوضحلك كل الخبايا و النقط اللي محتاج تركز عليها علشان تحجز أحسن تذكرة طيران بأحسن سعر.
بحذركم ان المعلومات كتيرة و دسمة يعني ممكن تحتاج تسمعها أكتر من مرة أو تكتب منها كمان المعلومات الجديده عليك ?
و ماتنساش تشارك الميني بودكاست مع الناس اللي حتستفيد منه

الحلقة_٥٩ سيريلانكا في ١٠ أيام مع مي مصيلحي

رحلة لكل مدينة تتزار في سيريلانكا، دليلك في عشر أيام ازاي توصل لكل مدينة و تعمل فيها ايه و حتكلفك كام بالطريقة المناسبة لك حسب ميزانيتك.
مي مصيلحي راحت سيريلنكا كتير و بتطلع ناس هناك تفسحهم و تدلعهم حتحكي لنا كل ده بالتفاصيل حتدينا الزيتونة بقى من الأخر خصوصا أن سيريلانكا مليانة حاجات مختلفة قوي من معابد لطبيعة لبحر فتظبيط السفرية محتاج كياسة ?
اسمع البودكاست ?ده لو بتفكر تروح أو عايز تسافر و مكسل تسافر بس عايز تستمتع مع اللي سافر.

الحلقه_ ٥٨ التطوع حيسفرني فين في مصر

في البودكاست ده الفنانه التشكيلية مي السيد حتعرفنا بُعد جديد في التطوع و السفر، كلام أول مرة حتعرف أنه موجود في مصر، تطوع فني كيوت جدا في مشروعات صعبة جدا مع السفارات و الهيئات الأجنبية في مصر.
تجارب مختلفة في جنوب مصر ومع أطفال الشوارع و رياضيين كلها فيها مساعدة للمجتمع و سفر أو أستقبلها لمسافرين
لو أنت بتحب مساعدة المجتمع، أو بتحب السفر أو بتحب تسافر بدون تكلفة مادية كبيرة، اسمع ?البودكاست ده حينورلك ? لمبات جديدة من الأفكار

الحلقة_٥٧ سفريات ٢٠٢١ و مصايبها

أول حلقة في الموسم الخامس من ترافل كودز
بما انها اول حلقة في السنة فقولنا نشارك معاكم سفريات ٢٠٢١ بذكرياتها الحلوة و العودة للمطار الدولي بقى مع حواديت أماكن السفر الداخلي و ماخبناش عليكم مصايب السفر اللي أصابتنا أول مرة من السفر لبعض الأماكن الصحراوية النائية و تشريف حشرة غريبة في بيتنا و السفر بالجبس.

لما تسمع الحلقه للأخر حتلاقي شوية تفاؤل في تخطيط سفريات ٢٠٢٢ ?

الحلقة_٥٦ في ٤٨ ساعة لف كبادوكيا في تركيا

البودكاست ده لمروة و مصطفى ثنائي السفر بس مفاجأة المرة دي مصطفى هو المذيع ? و مروة اللي بتحكي.
مصطفى حيطلع من مروة تفاصيل تخطيط رحلة سريعة مدينة كابدوكيا في تركيا ، كل اللي محتاج تعرفه علشان تحط المكان المختلف ده على قايمة الوجهات اللي حتطلعها أو تحبه و تحس أنك زرت المدينة الجبلية القديمة جدا جوة حكايات مروة ، و طبعا حنحكي عن ما يحدث ورا صور البالون المميزة لكبادوكيا و صور السجاد القديم و الفنادق الي محفورة جوة الجبل و مدينة الجن القديمة اللي في بطن الجبل و حواديت كتير,
إسمع ? البودكاست ده حتتعرف و تتحمس لكبادوكيا جدا و حتعرف مصطفى كان فين و مروة في كابدوكيا ?