هل فى شخص من وهو صغير كان عارف كويس ومحدد هو عايز ايه؟ متهيألى ناس كتير اوى بتعيش اللخبطة ديه تبقى طول الوقت مش عارف انت عايز ايه بتدرس حاجة مش بتحبها علشان لازم تدرسها تشتغل حاجة مش عايزها علشان لازم تشتغل نفسك تحقق حاجة لكن كل يوم بتلاقى حاجة جديدة بتشدك ومش عارف طب انا عايز ايه انا اخدت وقت طويل جدا يمكن سنين لحد ما قدرت احدد انا عايزة اعمل ايه هدفى فى الحياة ولو انت بتدور على هدفك فى الحياة ولحد دلوقتى متلخبط ومش قادر تحدد انت عايز ايه ف فى مجموعة اسئلة ممكن تساعدك انك تعرف ايه الحاجة المهمة بالنسبالك و اللى لما هتعملها هتدى معنى لحياتك