النهارده معانا تاني ضيف من الضيوف اللي بيساعدونا نتعرف أكتر على قطاع الشركات الناشئة والاستثمار في الشركات عالية المخاطرة.. ومعانا ماري تيريز اللي بتساعدنا في تقديم مجموعة الحلقات دي.. تقدروا تتوصلوا مع ماري: Marie Therese @LinkedIn ضيفنا النهارده هو محمد حمزة، حمزة من الناس اللي كان ليهم دور كبير جدا في حاضنة أعمال الجامعة الأمريكية AUC Venture Lab وحالياً هو موجود في بنك مصر، أنشأوا برنامج لمساعدة الشركات الناشئة والاستثمار فيها.. هنعرف منه أكتر الفرق ما بين القطاع الخاص والقطاع العام.. ازاي بيفكروا، ازاي بيختاروا الشركات، إيه الطريقة اللي تقدر تقدم بها عشان تخش في البرامج دي، وازاي ده بيساعد المجال بشكل عام تقدروا تتواصلوا مع حمزة: Mohamed Hamza @LinkedIn في الجزء الأول: (02:22) احكيلنا عن تجربتك والدروس المستفادة من حاضنة أعمال الجامعة الأمريكية وصولاً لدورك فى بنك مصر؟ (08:16) عدى عليك كام شركه في حاضنة أعمال الجامعة الأمريكية؟ (10:13) هل الناس اللي كانت بتجيلك في أوائل البرنامج كانوا أقل جاهزية من آخر برنامج؟ (12:35) كنت في قطاع خاص دلوقتي في مؤسسة عامة ممكن تكلمنا على المرحله دي وايه الفرق ما بينهم؟ (16:34) إيه دوافع المؤسسات لدعم الشركات الناشئة هل العوائد والتنمية المجتمعية ولا توجه سياسي من الدولة؟ استنونا الاسبوع اللي جاي في الجزء الثاني من لقائنا مع محمد حمزة زوروا موقعنا الإكتروني هتلاقوا الحلقة مكتوبة بالكامل وهتلاقوا ترجمة لبعض الكلمات والمصطلحات اللي اتقالت في الحلقة www.kalamyenawar.com