أهلاً فيك بحلقة جديدة من بودكاست (فضفضة وقهوة وسط)برنامج بسيط.. عفوي.. فيه حكي رايق..بقهوة وسط، مش زيادة حدة.. ومش ناعمة زيادة عن اللزوم!بهالحلقة رح نحكي عن كلمة صغيرة.. بس تقيلة على أغلب الناس:-لأ-.ليه بنخاف نحكي لأ؟ليه بنشعر بالذنب لما نقول لأ لناس بتمتص طاقتنا؟ليه منحاول نرضي الكل ونكسر حالنا، بس ما منرضي حالنا؟!رح نحكي عن فن وضع الحدود..مش حدود الكراهية، ولا الجفاء،بل حدود بتحمي احترامك لذاتك، وبتعلّم الناس كيف يتعاملوا معك.🚧 لأنه مش كل شي -مجاملة-🚧 ومش كل الناس بيفهموا لطفك على إنه طيبة.. بعضهم بيفهمه ضعف!رح أحكيلك ليه لازم تحكي -لأ- أكتر،ورح نحكي عن أنواع الناس اللي لازم ترسم حوالهم دائرة واضحةورح أفضفضلك عن تجربتي، وعن لحظات قلت فيها -نعم- وأنا قلبي بيصرخ -لأ-.📌 إذا إنت من الناس اللي دايمًا بيقولوا -ما قدرت أرفض-،هاي الحلقة إلك..اسمعها، وخليها تكون أول خطوة باتجاه احترامك لنفسك