هاي أول حلقة من بودكاست (فضفضة وقهوة وسط) برنامج بسيط.. بكل عفوية وبدون تصنّع أنا بحكي.. بصوتي.. بأفكاري.. وبقهوة وسط، مش قوية كتير، مش خفيفة كتير في هاي الحلقة.. بحكي عن الهدوء عن فكرة إنك ما تضلك تركض ما تحرق أعصابك عالفاضي ما تخلي كل شغلة ما مشيت مثل ما بدك تصير حرب روق يا فاروق.. لأنه مش كل شي لازم يصير اليوم مش كل تأخير معناه فشل ومش كل استعجال معناه إنك ناجح لازم نعرف نفرّق بين الكسل.. والتأني بين النرفزة.. والحماس بين الراحة.. والركود نكون سريعين بشغلنا.. بس رايقين مع الحياة نركض وقت ما لازم نركض ونوقف وقت ما لازم نوقف ونعرف نسمح لروحنا تراجع شوي.. بدون ما نجلدها (فضفضة وقهوة وسط) هو بودكاست مش معمول عشان يعطيك نصيحة هو معمول عشان يحكيلك اللي يمكن ما كنت عارف تحكيه لنفسك كل حلقة فيها شوية هدوء.. شوية فهم.. وشوية كلام طالع من جوّة 📌 إذا حسيت الكلام حكى عنك.. اسمع الحلقة، واحكيلي شو رأيك بالتعليقات