كلام فلسفة

2500 subscribers

podU Originals

Mahmoud Tarek

ياترى عمرك فكرت قبل كدة فى سر الوجود؟ أو سبب وجودك؟ في طبيعة الموجودات؟ يمكن تكون فكرت فى معني الأخلاق؟ ليه فيه جمال؟ ليه فى قبح؟ خير، شر، و عدل؟ ياترى في معنى للقيم من غير البشر؟ وأكيد سألت نفسك قبل كده ايه معنى الحياة؟ كل أسبوع هنناقش فكرة أو سؤال من الاسئلة اللى حيرت الفلاسفة على مر العصور من أفلاطون، لأبن رشد، لديكارت هنتكلم عن المعرفة، الوعي، الأنا، الاخلاق، المعتقد والايمان، العدالة، المنطق، الشك، العلم، والجمال .. هنسافر عبر الزمان والمكان من فلاسفة الاغريق، لأباء المتكلمين العرب، لرواد الفلسفة الغربية الحديثة. في حلقات أسبوعية قصيرة بلهجة مصرية بسيطة معاكم أحمد الملط للفلسفة والمتفلسفين أهلا بيكوا فى كلام فلسفة

Episodes

03 / 07 / 2019	Knowledge in Islamic Philosophy - المعرفة فى الفلسفة الاسلامية تفتكر ان فى نوع من المعرفة ممكن نوصله بدون حواسنا او عقلنا .. نوع من المعرفة بنوصلة باتصال خاص مع المسبب الاول والقوى العلوية؟ المبدعين دايما بيتكلموا عن وحى الابداع .. ولحظات الالهام اللى مالهمش سيطرة عليها، ياترى هى دى المعرفة الاشراقية اللى اتكلم عنها ابن سينا؟ وفعلا لو نقيت نفسك من الدنياويات وارتقيت بروحك هتقدر توصل فى يوم من الايام للأتصال بالعالم العلوى وتحصل على المعرفة الاشراقية؟ ولا هتفضل انسان عادى بيستقبل معرفته عن طريق الحواس والعقل بس؟	17:27
03 / 07 / 2019	The Battle of Reason and Experience - معركة المنطق والتجربة هترجع فى الزمن كام مية سنة تحديدا لعصر النهضة الاوربى، هتكون شاهد على أكبر المعارك واكترها سخونة فى عالم الفلسفة . .المعركة بين العقلانيين و التجريبين ... العقلانيون فريق قوى بيضم ديكارت، وليبنز .. لكن التجريبين فريق مش سهل بيضم لوك، بيركلى، وهيوم .. المنافسة محتدمة حول ماهية المعرفة، وادوات الحصول على المعرفة .. ياتري مين اللى هيكسب المعركة ويشكل حياتنا لحد اللحظة دى؟	21:02
03 / 07 / 2019	Cogito - الأنا رينية ديكارت عاش فى القرت السابع عشر وقت الثورة العلمية، التقدم العلمى و الاكتشافات كانت سمى العصر ده. العالم والفيلسوف الانجيلزى فرانسس بيكون كان اسس بالفعل طريقة البحث العلمى الحديثة اللى من خلالها نقدر نحدد أطار واضح المعالم لاجراء التجارب العلمية! الطريقة دى بتعتمد بالدرجة الاولى على الملاحظات الدقيقة والاستنتاج الاستنباطى طريقة من المنطق صحة البرهان فيها بتعتمد على صواب الفرضية .. يعنى لو مثلا قلت – كل الثديات تلد، الفيل من الثديات، اذن الفيل يلد .. البرهان ان الفيل بيلد معتمد على فرضية ان كل الثديات تلد! الطريقة العلمية الجديدة وقتها فتحت الباب اما الانسان لأكتشاف الكون على اسس علمية ومنطقية.فى حين أن بيكن كان رأية ان تطبيقات الاكتشافات العلمية هى الثمرة الوحيدة اللى ممكن نحصل عليها من الطريقة العلمية الجديدة، ديكارت كان متحمس جدا للمنظومة العلمية الحديثة وشاف ان تأثيرها أكبر من مجرد التطبيقات العلمية، وانه هيمتد لمنظومة المعرفة وفهم العالم المحيط بينا	23:02
03 / 07 / 2019	The Veil of Perception - حجاب الأدراك أزاى بنشوف، بنسمع، أو بنشم الاشياء اللى فى العالم المحيط بينا؟ معظمنا بيفترض ان الاشياء المادية اللى حوالينا بشكل أو بآخر زى ما وعينا بيصورها لنا. لكن البديهية اللى البشر بيستخدموها قادت كتيرمن الفلاسفة للتسؤال اذا كنا فعلا بنشوف العالم الخارجى بشكل مباشر. فى التصور ده احنا بندرك بس افكارنا الداخلية أو انطباعتنا أو حتى بتعبير أكثر علمية " معطيات الحواس" . الفيلسوف الانجليزى جون لوك من القرن السابع عشر أستخدم تشبية مشهور لتوضيح الفكرة دى. الادراك والفهم البشرى زى الدولاب المقفول اللى جواه ضلمة وبابة موارب لضوء ضعيف و رؤية لأشباة الاشياء والافكار اللى برة الدولاب. فى دولاب جون لوك الضلمة فى عقبة مهمة حاول يلفت النظر اليها، بفرض أن الافكار أو ظلال الاشياء اللى بتدخل الدولاب من خلال الباب الموارب بشكل أو بآخر تمثيل صادق لأشياء حقيقة خارج الدولاب .. فى النهاية عن طريق الاستدلال بنقدر نربط الظلال أو الافكار دى بالاشياء الموجودة خارج الدولاب ... أفكارنا الشئ الوحيد اللى بنملكة كوسيلة للأستدلال عن الواقع خارج الدولاب بتشكل حجاب عازل بينا وبين العالم الخارجى .. حجاب الادراك	19:10
03 / 07 / 2019	Plato’s Cave - كهف أفلاطون تخيل أنك أسيرمن لحظة ميلادك، مسجون طول حياتك فى كهف ضلمة! أيدك ، رجيلك وراسك متقيدين بحيث انك ماتقدرش تبص غير على الحيطة اللى قدامك. وراك شعلة نار، وبينك وبين النار طريق بيمشي فيه السجانين الللي مقيدينك أنت وباقى زمايلك المساجين، السجانين بيعدوا وراكوا وهما شايلين تماثيل لحيوانات، نباتات، وحاجات تانية بتشوفوا خيالتها المنعكسة على الحيطة اللى قدامكوا.. الخيالات دى هي كل شئ شفتوة وعرفتوة خلال حياتكوا، هي تقريبا حصيلة المعرفة اللى كونتها انت والمساجين التانيين طول العمر ما تعرفوش ومابتتكلموش اوحتى تفكروا فى اى حاجة غيرها	11:47
03 / 07 / 2019	Brain in a Vat - مخ فى وعاء تخيل أنك تعرضت لعملية جراحية، بيعملهاك عالم شرير قرر أنه يفصل مخك عن جسمك و يخزنه فى وعاء طافي على سوائل مغذية لخلايا المخ وفيتامينات علشان تحافظ على حيويتة. أطراف الخلايا العصبية فى مخك هتتوصل بكمبيوتر عملاق Super Computer هيمد المخ بموجات كهربائيه ونبضات الكترونية مشابهة للموجات الطبيعية اللى بيفرزها جهازك العصبي فى الاحوال الطبيعية. الكمبيوتر العملاق وظيفتة تكوين عالم أفتراضى محاكى للواقع، هيوهم مخك اللى فى الوعاء إن كل شئ طبيعى فى العالم الافترضى ده زى الواقع بالظبط ياترى مخك فعلا فى راسك؟ ولا أنت مجرد "مخ فى وعاء"؟	19:15

Philosophy

كلام فلسفة

2500 subscribers

podU Originals

Mahmoud Tarek

Episodes

03 / 07 / 2019	Knowledge in Islamic Philosophy - المعرفة فى الفلسفة الاسلامية تفتكر ان فى نوع من المعرفة ممكن نوصله بدون حواسنا او عقلنا .. نوع من المعرفة بنوصلة باتصال خاص مع المسبب الاول والقوى العلوية؟ المبدعين دايما بيتكلموا عن وحى الابداع .. ولحظات الالهام اللى مالهمش سيطرة عليها، ياترى هى دى المعرفة الاشراقية اللى اتكلم عنها ابن سينا؟ وفعلا لو نقيت نفسك من الدنياويات وارتقيت بروحك هتقدر توصل فى يوم من الايام للأتصال بالعالم العلوى وتحصل على المعرفة الاشراقية؟ ولا هتفضل انسان عادى بيستقبل معرفته عن طريق الحواس والعقل بس؟	17:27
03 / 07 / 2019	The Battle of Reason and Experience - معركة المنطق والتجربة هترجع فى الزمن كام مية سنة تحديدا لعصر النهضة الاوربى، هتكون شاهد على أكبر المعارك واكترها سخونة فى عالم الفلسفة . .المعركة بين العقلانيين و التجريبين ... العقلانيون فريق قوى بيضم ديكارت، وليبنز .. لكن التجريبين فريق مش سهل بيضم لوك، بيركلى، وهيوم .. المنافسة محتدمة حول ماهية المعرفة، وادوات الحصول على المعرفة .. ياتري مين اللى هيكسب المعركة ويشكل حياتنا لحد اللحظة دى؟	21:02
03 / 07 / 2019	Cogito - الأنا رينية ديكارت عاش فى القرت السابع عشر وقت الثورة العلمية، التقدم العلمى و الاكتشافات كانت سمى العصر ده. العالم والفيلسوف الانجيلزى فرانسس بيكون كان اسس بالفعل طريقة البحث العلمى الحديثة اللى من خلالها نقدر نحدد أطار واضح المعالم لاجراء التجارب العلمية! الطريقة دى بتعتمد بالدرجة الاولى على الملاحظات الدقيقة والاستنتاج الاستنباطى طريقة من المنطق صحة البرهان فيها بتعتمد على صواب الفرضية .. يعنى لو مثلا قلت – كل الثديات تلد، الفيل من الثديات، اذن الفيل يلد .. البرهان ان الفيل بيلد معتمد على فرضية ان كل الثديات تلد! الطريقة العلمية الجديدة وقتها فتحت الباب اما الانسان لأكتشاف الكون على اسس علمية ومنطقية.فى حين أن بيكن كان رأية ان تطبيقات الاكتشافات العلمية هى الثمرة الوحيدة اللى ممكن نحصل عليها من الطريقة العلمية الجديدة، ديكارت كان متحمس جدا للمنظومة العلمية الحديثة وشاف ان تأثيرها أكبر من مجرد التطبيقات العلمية، وانه هيمتد لمنظومة المعرفة وفهم العالم المحيط بينا	23:02
03 / 07 / 2019	The Veil of Perception - حجاب الأدراك أزاى بنشوف، بنسمع، أو بنشم الاشياء اللى فى العالم المحيط بينا؟ معظمنا بيفترض ان الاشياء المادية اللى حوالينا بشكل أو بآخر زى ما وعينا بيصورها لنا. لكن البديهية اللى البشر بيستخدموها قادت كتيرمن الفلاسفة للتسؤال اذا كنا فعلا بنشوف العالم الخارجى بشكل مباشر. فى التصور ده احنا بندرك بس افكارنا الداخلية أو انطباعتنا أو حتى بتعبير أكثر علمية " معطيات الحواس" . الفيلسوف الانجليزى جون لوك من القرن السابع عشر أستخدم تشبية مشهور لتوضيح الفكرة دى. الادراك والفهم البشرى زى الدولاب المقفول اللى جواه ضلمة وبابة موارب لضوء ضعيف و رؤية لأشباة الاشياء والافكار اللى برة الدولاب. فى دولاب جون لوك الضلمة فى عقبة مهمة حاول يلفت النظر اليها، بفرض أن الافكار أو ظلال الاشياء اللى بتدخل الدولاب من خلال الباب الموارب بشكل أو بآخر تمثيل صادق لأشياء حقيقة خارج الدولاب .. فى النهاية عن طريق الاستدلال بنقدر نربط الظلال أو الافكار دى بالاشياء الموجودة خارج الدولاب ... أفكارنا الشئ الوحيد اللى بنملكة كوسيلة للأستدلال عن الواقع خارج الدولاب بتشكل حجاب عازل بينا وبين العالم الخارجى .. حجاب الادراك	19:10
03 / 07 / 2019	Plato’s Cave - كهف أفلاطون تخيل أنك أسيرمن لحظة ميلادك، مسجون طول حياتك فى كهف ضلمة! أيدك ، رجيلك وراسك متقيدين بحيث انك ماتقدرش تبص غير على الحيطة اللى قدامك. وراك شعلة نار، وبينك وبين النار طريق بيمشي فيه السجانين الللي مقيدينك أنت وباقى زمايلك المساجين، السجانين بيعدوا وراكوا وهما شايلين تماثيل لحيوانات، نباتات، وحاجات تانية بتشوفوا خيالتها المنعكسة على الحيطة اللى قدامكوا.. الخيالات دى هي كل شئ شفتوة وعرفتوة خلال حياتكوا، هي تقريبا حصيلة المعرفة اللى كونتها انت والمساجين التانيين طول العمر ما تعرفوش ومابتتكلموش اوحتى تفكروا فى اى حاجة غيرها	11:47
03 / 07 / 2019	Brain in a Vat - مخ فى وعاء تخيل أنك تعرضت لعملية جراحية، بيعملهاك عالم شرير قرر أنه يفصل مخك عن جسمك و يخزنه فى وعاء طافي على سوائل مغذية لخلايا المخ وفيتامينات علشان تحافظ على حيويتة. أطراف الخلايا العصبية فى مخك هتتوصل بكمبيوتر عملاق Super Computer هيمد المخ بموجات كهربائيه ونبضات الكترونية مشابهة للموجات الطبيعية اللى بيفرزها جهازك العصبي فى الاحوال الطبيعية. الكمبيوتر العملاق وظيفتة تكوين عالم أفتراضى محاكى للواقع، هيوهم مخك اللى فى الوعاء إن كل شئ طبيعى فى العالم الافترضى ده زى الواقع بالظبط ياترى مخك فعلا فى راسك؟ ولا أنت مجرد "مخ فى وعاء"؟	19:15