معلش

6802 subscribers

العالم مليان بقصص نجاح عظيمة جداً، ناس زي بيل جيتس وستيف جوبز وهمام في أمستردام قصص نجاحهم ألهمت ناس كتير جداً. لكن على كل قصة نجاح في ١٠٠٠ قصة فشل، و الفرق ما بين النجاح والفشل فيها بيكون بسيط جداً، قرار غلط قرار صح قرار مش في وقته، و هكذا. احنا هنا جايين نحكي قصص الفشل، مش بس عشان نتعلم منها، لكن عشان نعرَّف أصحابها إننا واقفين معاهم، و نقولهم من كل قلوبنا، معلش!

Episodes

كيو نت – التسويق الشبكي

دايما كل قصص التسويق الشبكي بتبدأ كدا.. مكالمة من معرفة بعيدة جدا بيقول انه صاحبك وعايز يشوفك وانك واحشه ومصمم يشوفك حالا في اي كافيه، بتخليه يحلف لك على إنه مش عايز منك حاجة مش تمام.. بيقابلك مقابلة محرجة ومريبة وصامتة كدا، يفضل يسألك اسئلة سخيفة زي بتشتغل ايه وبتقبض كام ونفسك في ايه؟ بتحلم بإيه؟ سمعني ايه؟

28:11

KODAK

فاكر زمان مشوار التصوير، لما اهلك ياخدوك يلبسوك قميص بحمالات على شورتك وكوتشي آرك شوز بينور كدا وياخدوك لعمو المصوراتي يبوظ شعرك بالمشط بتاعه ويصورك وانت راكب على حصان خشب وماسك جيتار خشب برضه ويقوم ضارب شمسية بيضة بالنور كده في وشك ويصورك صور كتير اوي وفي الآخر يختار أوحش صورة فيهم ويحمضها ويديها لأهلك؟
آهه الفيلم ده كله بقى كان انتاج كوداك..

16:23

Nokia | نوكيا

آآآآه على نوكيا وايام نوكيا، زمن الموبيلات الجميلة، زمن الجراب اللي بيتعلق في حزام البنطلون، والهزاز اللي ممكن يفقد رجل ثلاثيني قدرته على الانجاب، ولعبة التعبان اللي كان ليها كلمة سر عشان تكسب، آه والله كان ليها كلمة سر، والنغمات المجسمة اللي كانت ثورة في عالم الرينج تونز، وهما نغمتين: المال والبنون وبحبك وحشتيني.. ده غير النغمات اللي كنا بنعملها بصوت الزراير.

17:05

ART

الناس في بداية الألفية كانوا 3 أنواع.. نوع عنده التلفزيون المصري أبو قناتين ونص دهونوع تاني عنده الطبق الكبير اللي بيجيب القنوات المفتوحة.. والنوع التالت اللي عمري ما كنت منه بقى، بتوع الطبق الصغنن أو كما قيل عنه "باقة الأوائل"

22:45

الإتحاد السوفيتي

واحدة من أقوى الكيانات السياسية، ومن أقوى دول العالم في وقتها، قامت على معلش، و انتهت برضه على معلش

22:55

ليلة سقوط سناب شات

من 3 سنين بالظبط لو كنت سألتك عن أكتر 5 آبلكيشنز بتضيع عليهم وقتك، أكيد سنابشات هيكون واحد منهم. ليه سنابشات بعد ما كان بيناطح فيسبوك ويوتيوب وتويتر، انتكس ووقع الوقعة السودة دي

21:36

جلوري جلوري مان يونايتد

بالرغم من إن طول عمري مشجع غلس لليفربول، وأطيق العمى ولا أطيق مانشستر يونايتد بس وقت ما وعيت على تشجيع كورة، انجلترا كانت بتفتخر بمؤسسة مانشستر يوناتيد الرياضية.. يونايتد طول عمره فريق محدش يقدر ميحترموش، أحداث زي ثلاثية ٩٩ ونهائي اليونايتد مع بايرن ميونيخ كانت حاجة للتاريخ.. كان الفريق المفضل لكل اللي بيلعبوا فيفا على الكمبيوتر، وأكتر تيشيرت بيتباع.. وده اللي وصله للشعبية رقم 1 في العالم.

21:37

أتاري

الأتاري صحت الطفل اللي جوايا، الطفل اللي ممكن يعمل واجب في 5 ساعات ويحفظ سورة البينة عشان ساعة أتاري.. مش أنا وبس، ده جيل كامل ربط المتعة كلها بالاختراع ده، الاختراع اللي جنن العالم وقتها.. لدرجة إن الناس ربطت كل الفيديو جيمز باسم "أتاري" مع إنها كانت مجرد شركة وسط شركات تانية بتنتج نفس نوع الالعاب دي

19:52

الحقونا ياهوو

زمان لما كنت بتروح عند ابن خالتك الكبير كنت دايما بتلاقيه فاتح وش بيضحك على الكمبيوتر كده وعمال يطلع أصوات، وش مش مفهوم خالص، ولما تسأله ايه ده يقولك "ده ياهو، أنت معندكش ياهو؟

19:33
معلش
6802 subscribers

العالم مليان بقصص نجاح عظيمة جداً، ناس زي بيل جيتس وستيف جوبز وهمام في أمستردام قصص نجاحهم ألهمت ناس كتير جداً. لكن على كل قصة نجاح في ١٠٠٠ قصة فشل، و الفرق ما بين النجاح والفشل فيها بيكون بسيط جداً، قرار غلط قرار صح قرار مش في وقته، و هكذا. احنا هنا جايين نحكي قصص الفشل، مش بس عشان نتعلم منها، لكن عشان نعرَّف أصحابها إننا واقفين معاهم، و نقولهم من كل قلوبنا، معلش!


Episodes
كيو نت – التسويق الشبكي
دايما كل قصص التسويق الشبكي بتبدأ كدا.. مكالمة من معرفة بعيدة جدا بيقول انه صاحبك وعايز يشوفك وانك واحشه ومصمم يشوفك حالا في اي كافيه، بتخليه يحلف لك على إنه مش عايز منك حاجة مش تمام.. بيقابلك مقابلة محرجة ومريبة وصامتة كدا، يفضل يسألك اسئلة سخيفة زي بتشتغل ايه وبتقبض كام ونفسك في ايه؟ بتحلم بإيه؟ سمعني ايه؟
28:11
KODAK
فاكر زمان مشوار التصوير، لما اهلك ياخدوك يلبسوك قميص بحمالات على شورتك وكوتشي آرك شوز بينور كدا وياخدوك لعمو المصوراتي يبوظ شعرك بالمشط بتاعه ويصورك وانت راكب على حصان خشب وماسك جيتار خشب برضه ويقوم ضارب شمسية بيضة بالنور كده في وشك ويصورك صور كتير اوي وفي الآخر يختار أوحش صورة فيهم ويحمضها ويديها لأهلك؟ آهه الفيلم ده كله بقى كان انتاج كوداك..
16:23
Nokia | نوكيا
آآآآه على نوكيا وايام نوكيا، زمن الموبيلات الجميلة، زمن الجراب اللي بيتعلق في حزام البنطلون، والهزاز اللي ممكن يفقد رجل ثلاثيني قدرته على الانجاب، ولعبة التعبان اللي كان ليها كلمة سر عشان تكسب، آه والله كان ليها كلمة سر، والنغمات المجسمة اللي كانت ثورة في عالم الرينج تونز، وهما نغمتين: المال والبنون وبحبك وحشتيني.. ده غير النغمات اللي كنا بنعملها بصوت الزراير.
17:05
ART
الناس في بداية الألفية كانوا 3 أنواع.. نوع عنده التلفزيون المصري أبو قناتين ونص دهونوع تاني عنده الطبق الكبير اللي بيجيب القنوات المفتوحة.. والنوع التالت اللي عمري ما كنت منه بقى، بتوع الطبق الصغنن أو كما قيل عنه "باقة الأوائل"
22:45
الإتحاد السوفيتي
واحدة من أقوى الكيانات السياسية، ومن أقوى دول العالم في وقتها، قامت على معلش، و انتهت برضه على معلش
22:55
ليلة سقوط سناب شات
من 3 سنين بالظبط لو كنت سألتك عن أكتر 5 آبلكيشنز بتضيع عليهم وقتك، أكيد سنابشات هيكون واحد منهم. ليه سنابشات بعد ما كان بيناطح فيسبوك ويوتيوب وتويتر، انتكس ووقع الوقعة السودة دي
21:36
جلوري جلوري مان يونايتد
بالرغم من إن طول عمري مشجع غلس لليفربول، وأطيق العمى ولا أطيق مانشستر يونايتد بس وقت ما وعيت على تشجيع كورة، انجلترا كانت بتفتخر بمؤسسة مانشستر يوناتيد الرياضية.. يونايتد طول عمره فريق محدش يقدر ميحترموش، أحداث زي ثلاثية ٩٩ ونهائي اليونايتد مع بايرن ميونيخ كانت حاجة للتاريخ.. كان الفريق المفضل لكل اللي بيلعبوا فيفا على الكمبيوتر، وأكتر تيشيرت بيتباع.. وده اللي وصله للشعبية رقم 1 في العالم.
21:37
أتاري
الأتاري صحت الطفل اللي جوايا، الطفل اللي ممكن يعمل واجب في 5 ساعات ويحفظ سورة البينة عشان ساعة أتاري.. مش أنا وبس، ده جيل كامل ربط المتعة كلها بالاختراع ده، الاختراع اللي جنن العالم وقتها.. لدرجة إن الناس ربطت كل الفيديو جيمز باسم "أتاري" مع إنها كانت مجرد شركة وسط شركات تانية بتنتج نفس نوع الالعاب دي
19:52
الحقونا ياهوو
زمان لما كنت بتروح عند ابن خالتك الكبير كنت دايما بتلاقيه فاتح وش بيضحك على الكمبيوتر كده وعمال يطلع أصوات، وش مش مفهوم خالص، ولما تسأله ايه ده يقولك "ده ياهو، أنت معندكش ياهو؟
19:33

0:00 / 0:00

Playback Speed

x1


0.5x

1.5x

1x

Advertisement (00:06)

 
GO TO AD