ساعات بنرسم قدامنا طرق وبنخططلها كويس اوي وخلاص بنرسم احلامنا عليها وبنقول لنفسنا باااس هي دي هو ده مستقبلنا فجأه بدون اي مقدمات ربنا يحطنا في طرق تانيه خالص منعرفش هواحنا فين؟ احنا بنعمل ايه هنا؟ وفجأه برده ربنا بيحط في طريقنا ناس هما بقي اللي بيبقي َمعاهم إجابات علي الاسئله دي كلهاا يمشوا معانا الطريق اللي احنا فيه الطريق اللي احنا مش عارفين ربنا حطنا فيه ليه اصلا يشاوروا علي حاجات فينا منعرفش انها موجوده من الاخر كدة بينورونا وفي لحظة مع نفسك بتعرف ان الخطه دي اللي اترسمت لوحدها ومن غير مجهود دي انسب من اي خطه خدت فيها ليالي تفكر فيها والطريق اللي اترسم ده هو طريقك""لو كملت فيه ومستعجلتش هتلاقيه مكتوب باسمك انت"" ولو انت لقيت طريقك في الجرافيك ولقيت اسمك مكتوب فيه فمشكل جرافيك هو انسب صاحب ليك ولو مش طريقك بقي فالحلقة دي بذات انسب حلقة ليك دلوقتي سواء دخلت مجال الجرافيك او غيره فمتوقفش حياتك عليه متقولش هو ده ومفيش غيره افهم بس واعرف ربنا عايز يوصلك ايه و عايز يخليك فين...