اما تيجي تبني عماره اتأكد أن الاعمده بتاعتها متينه، وكل طوبه محطوطه صح وفي مكانها، لو اتحقق ده فأحب اقولك مبروك كدة انت ضمنت ان العماره هتتبني بنجاح َوزي ما تيجي تتعرف على حد جديد في حياتك، اتأكد انك هتستحمل عيوبه، هتتقبلها، ومهما يحصل خلافات فالاساس قوي يخليكوا تتجاوزوا اي حاجة، هتسعي انك تفهمه دايما وعمرك ما هتزهق منه لو كل ده اتحقق فمبروك انت كدة ضمنت برده نجاح علاقتك بالشخص ده طب لو جيت بقي تدخل شغل جديد عايزاك تسأل نفسك هتتقبل عيوبه؟ هتسعي انك تفهمه؟ طب مهما صعوبات هتفضل مكمل في الشغل ده؟ هتتجاوز اي حاجة لمجرد بس تفضل تشتغل فيه؟ عمرك هتزهق منه؟ قبل ما اقولك مبروك انت ضمنت نجاح حياتك المهنيه عايزاك تركز كويس زي ما ركزت وانت بتبني العماره ووانت بتختار الاشخاص اللي في حياتك نجاحك وفشلك مبني علي عوامل كتير،عوامل واساسيات بتشارك بصفة اساسيه في حياتك المهنيه وقبل ما تحتار اكتر خلونا ندخل في الحلقة علي طول ونتعرف عليها سوا في حلقة جديده من مشكل جرافيك