السيرة الهلالية

في الحلقة دي هنتكلم عن السيرة الهلالية، وأبطالها ولمحات من حياة العرب في وقت القرن الرابع والخامس الهجري، هنسافر آلاف السنين لزمن الفرسان والقبائل، حكاية قبيلة بني هلال ورحلتهم الطويلة من نجد لشمال أفريقيا، حروب، حب، خيانة وبطولات.
هنقابل أبو زيد الهلالي، الفارس اللي جمع بين القوة والدهاء، وشخصيات صنعت أعظم ملحمة شعبية عند العرب، حكاية مش عن بطل واحد، لكن عن شعب كامل اختار الصراع وسيلة للنجاة، هل كانت التغريبة انتصار، ولا رحلة مالهاش نهاية ؟

هستنى انكم تتباعوني عشان تسمعوا حلقات جديدة. لو حد حابب يضيف أي معلومة ممكن تضيف للحلقة ياريت ميتأخرش.
الحلقة قامت على مجموعة من الكتب والمقالات والأفلام الوثائقية.

كلام عن اللي باقي منك

في الحلقة دي هنتكلم عن فيلم "اللي باقي منك" للمخرجة شيرين دعيبس، فيلم درامي مستوحى من التهجير الفلسطيني، بيحكي حكاية عيلة فلسطينية بنشوفها عبر تلات أجيال مختلفة.
الفيلم بيتحرك بين الماضي والحاضر، في خطوط متوزاية، وبيبدأ مع رحلة الجد محمد البكري وهو راجع بذاكرته لحياته قبل تهجير عيلته من يافا سنة 1948، وإزاي تجربة الفقد والمنفى فضلت مأثرة على حياة العيلة مع مرور السنين. بنشوف الطفولة، والهجرة، وتفاصيل الحياة الجديدة اللي اتفرضت عليهم، وإزاي الذكريات بتتنقل من جيل للتاني حتى لو الأماكن نفسها اتغيرت.
هنتكلم عن قصة الفيلم، وأهم لحظاته، والإحساس اللي بيسيبه بعد ما يخلص، مع شوية كتير من حرق للاحداث عشان نقدر نفهمه، هنسأل نفسنا في الاخر أسئلة كتير أولها واخرها: ايه اللي باقي منك؟

تعمل ايه لو مش عارف تعمل ايه ؟

اوقات مش بتكون عارف تعمل ايه واوقات تانية مش بيكون مهم فعلا انك تعمل اي شئ، رغم عبثية الموسم الرمضاني الثاني ولكن كان تحدي انه اكمل حتي لو بحلقات معظمها ارتجالية .. اتمني يكون جميل لأي حد هيسمعه

شخص مثير للشفقة

عن التأثير اللي بيحصلنا من العالم والمشاعر المتداخلة المش مفهومة اغلب الوقت ازاي نقدر نفهمها ونتعامل معاها ونسمعها وازاي بتتولد معانا مع الوقت، حديث لا يخلو من العبثية ..

العمل عبادة

ما بين الصياح قبل ما تلاقي شغل والصياح بعد ما اشتغلت
وتجربة الشغل في رمضان، والبعض من العبثية وتعظيم الاعتمادية نبتدي الحلقة الاولي من الموسم الثاني من البودكاست الرمضاني جدا ..
اتمني يعجبكم وتشاركوني رأيكم

رمضان .. ليه ؟

حلقة عبثية رمضانية لمناقشة الهدوء والزحام الرمضاني من وجهة نظر شخصية تميل الي الصياح والشكوي

النقشبندي

في مبني الاذاعة المصرية في استوديو 46 قابل الشيخ النقشبندي الفنان بليغ حمدي عشان يسمعه لحن ، لحن قال عنه بليغ انه هيعيش ميت سنة ، في حلقة النهاردة هنتكلم عن قصة اللحن وقصة واحد من اهم الابتهالات المصرية وهنتكلم اكتر عن الشيخ النقشبندي وبداياته في الاذاعة المصرية

قطايف وعرقسوس

الحلويات او الاكل عموما كان وسيلة مهمة للتقرب من الوالي او الخليفة علي مر العصور ونتج عن التقرب دا حلويات واكلات مازالت موجودة لحد النهاردة هنعرف اكتر عنها في قطايف وعرقسوس

حكاية فلكلور

عادات كتير كانت موجودة من زمان ويمكن بدأت تختفي او تكون جزء من التراث ولكن مع ذلك دايما بتلاقي طريقة انها ترجع تظهر من تاني هنعرف اكتر عنها في حكاية فلكلور