مخاوف ثلاثيني

الثلاثينات- مرحلة بنخاف منها قبل ما نوصلها، وبنكتشف إنها غير كل التوقعات. بهالحلقة منحكي عن علاقتنا بعيد ميلادنا، شو تغيّر فينا، شو بعدنا نادمين إننا ما عملناه، وشو تعلّمنا عن الحياة بعد الثلاثين. حديث عفوي بين الضحك، الحنين، والواقع

الإحتراق النفسي | Burnout

مع انتهاء شهر الصحة النفسية للرجال، حلقة انطلقنا فيها من تجربة هيثم مع الإحتراق النفسي... فما الذي قد يسببه الاكتئاب الحاد والقلق المزمن؟ ماذا لو كابرنا على تعبنا النفسي وتجاهلنا العوارض؟ هل فعلاً نفسية الرجال حديدية ويجب ألا تتعب؟ كيف نتفادى الإحتراق ومتى نطلب الدعم؟ كل هذا وأكثر في حلقة هذا الأسبوع من أول شي بونسوار.

علاقات سطحية

بعد غياب بسيط، رجعنا! بهالحلقة منحكي عن أبرز الأخبار والأحداث حوالينا، من كأس العالم للوك الجديد لوائل كفوري، وبنفوت بموضوع العلاقات هالأيام: ليش صارت أسرع و سطحية

شو رأيك بهدنة؟

بعد انقطاع لأسابيع بسبب الحرب والأوضاع المتوترة في المنطقة، عودة هيثم وغنوة في حلقة مليئة بالأحداث، التطورات، والتحليلات.. أدوار هيثم التمثيلية، حالة والد غنوة الصحية، الحرب الإقليمية، تفاصيل حادثة الأربعاء الأسود، وحصيلة أحداث الدراما الرمضانية في حلقة جديدة من أول شي بونسوار.

بين المسلسلات والقلق

تسجّلت هالحلقة يوم الأحد- قبل ما يتغيّر كل شي.
كنا عم نحكي عن مسلسلات رمضان، توقعاتنا، والجو العام للشهر- وما كنا نعرف قديش بسرعة الواقع رح يفرض حاله.

مش مزاجي اليوم!

بهالحلقة، بلّشنا التسجيل أوّل ما وعينا-

وما كانت رايقة معو هيثم وحاسس انو النهار مش نهارو ومن هون تغيّر موضوع الحلقة.

حكينا عن النفسية، عن كيف الصبح ممكن يحدد شكل يومنا، وعن الشعور لما تحس إنك مش بطاقتك.

سألنا: هل فعلاً فينا نغيّر مزاجنا؟ وإذا إيه- كيف؟

شاركنا أفكار، تجارب، وطرق بسيطة ممكن تساعدنا نرجّع نتحكّم بمشاعرنا بدل ما هي تتحكّم فينا.

'ليل' ودراما رمضان

بهالحلقة من أوّل شي بونسوار حكينا عن مسلسل -ليل- على شاهد: القصة، الشخصيات، وأداء الممثلين. ومنه فتحنا حديث عن مسلسلات رمضان القادمة هالسنة، التوقعات، والأعمال اللي ناطرينها قبل بداية الموسم.

لمّا غيرك يشوفك أحلى

بهالحلقة نجاوب على أسئلة منكن إنتو مستمعي أول شي بونسوار: ليش وقف البودكاست فجأة؟ وليش أحيانًا ما منشوف جمالنا متل ما الناس بتشوفه فينا؟ ومنوصل لحكي صادق عنّي وعن هيثم، شو بيشوف فيي، وشو بتعني الصداقة الحقيقية بيناتنا.

أغاني من حياتي العودة

حلقة اليوم رجوع لفقرة بتحبوها كتير: أغاني من حياتي

بين آدم، هيفا، أحمد سعد، ناصيف زيتون وغيرن، مين الأنجح بإختيار الأغاني؟ لمين منسمع أكتر شي؟ وأكتر أغاني ضاربة حالياً.

٢٠٢٦ سنة جديدة

حلقة بنستقبل فيها ال٢٠٢٦
منحكي عن قرارات السنة الجديدة: شو ناويين نغيّر، واذا لازم نحط ظغط على أهداف السنة يلّي حابين ننجزها
وبالجزء الفني، جولة سريعة على آخر الأخبار الفنية، الترندات، والقصص اللي شاغلة السوشيال ميديا.
حلقة خفيفة، واقعية، وبلا فلترة- متل ما بتحبونا