275: أسلوبنا فريد ويحتاج تجديد

صحيح إنه برنامجنا له أسلوبه المميز اللي كثير منكم حبوه- وعلى مر السنين الروح اتغيرت أكثر من مرة. وفي مستمعين عاجبهم الأسلوب القديم- وفي مستمعين عاجبهم الأسلوب الجديد، عشان كده عمار ورامي اليوم أجتمعوا وناقشوا وضع البرنامج وإذا كانوا مبسوطين منه زي ما هو- أو إنه جا الوقت إنهم يجددوا في طريقة طرح الحوارات؟- - انتم إيش رأيكم؟

274: التربية للآباء أهم من الأبناء

بمشاركة [ منار منشي ] - تربية الأطفال مهمة صعبة ولها تأثير كبير على المجتمع- وكثير ما نناقش مسائل التعليم ونهتم فيها بشكل كبير لكن دائماً ننسى ان تعليم وتربية الأب والأم عشان يعرفوا يأدوا أدوارهم على أكمل وجه هو موضوع تأثيره جداً أكبر! مهما كان التعليم المدرسي متقن وعلى مستوى عالي- التربية في البيت ممكن تهدم كل شيء يصير في المدرسة. - وعشان كدة اليوم قعدنا مع -صديقة الأمهات- وصديقة البرنامج الأستاذة منار منشي عشان نتكلم عن دورها المجتمعي في تعليم الأمهات. وإذا حابين تعرفوا أكثر عن منار وشغلها ممكن تتابعوها عن طريق حساباتها في انستجرام على الروابط التالية: - https://instagram.com/manar_munshi?igshid=YmMyMTA2M2Y= - https://instagram.com/mommiesclub.sa?igshid=YmMyMTA2M2Y=

273: برمجة ولغوية بشوية عصبية

بمشاركة [ أبرار الجفري ] - البرمجة اللغوية العصبية هي من العلوم اللي مو كثير ناس يعرفوا عنها وحتى اللي سمع بهذا العلم المعروف بي ال-إن إل بي- إحتمال ما يعرف إيش معناته. وعشان كدة اليوم قعدنا مع صديقتنا الأستاذة أبرار الجفري اللي شرحت لنا أكثر عن التخصص واستخداماته.

272: عمرو جا أنقذنا لما خرب ملفنا

بمشاركة [ عمرو ضياء ] - اليوم كان المفترض تكون عندنا حلقة مميزة مع ضيوف مميزين- لكن أحياناً تجري الرياح بما لا تشتهي السفن، بس في نفس الوقت كل شيء مقدر ومكتوب من ربنا. كان عندنا حلقة جديدة سجلناها الأسبوع هذا وبسبب خلل تقني خرب الملف وما قدرنا ننشر لكم هي اليوم. لكن ما رضينا اننا نسيبكم بدون حلقة، فطلبنا من أحد دوافيرنا انه يجي يفزع لنا آخر الليل ويسجل معانا حلقة سريعة- وصديقنا الدافور والفنان المبدع عمرو ضياء لبى النداء وسهر عشاننا وأكرمنا بحوار رهيب كان غير مخطط له وغير متوقع.

271: طوروا الموهبة خارج المدرسة

بمشاركة [ تالا نجار و محمد قربان] - المدرسة تعلمنا كثير أشياء مهمة في حياتنا- لكن كثير من الخبرات اللي نحتاجها في الحياة حنلاقيها خارج الفصل، لكن للأسف الكثير من العوائل يركزوا فقط على الدراسة التقليدية في التعليم. اليوم ناقشنا موضوع الدراسة وبعض المواضيع المختلفة من الخطابة والالقاء لاختبارات تحديد الشخصية مع صديقتنا الدافورة تالا نجار وصديق البرنامج الدافور ومقدم بودكاست ورقة بيضا الرائع محمد قربان.-

270: جينا جلنكاكي من مكة جري

بمشاركة [ رولين منشي ] - تجينا كثير رسائل دائماً من مستمعينا الدوافير بطلبات للمشاركة في البرنامج، وعلى مر السنين كل فترة نختار أحد من القائمة وننسق لتسجيل حلقة معهم. اليوم جا الدور على دافورتنا بنت مكة المكرمة رولين منشي واللي ما شاء الله عليها تحب تتكلم عن كل شيء- الزرع، البيئة، الصباح، الخبز، الفن، المجتمع، الصحة النفسية، التسويق، التجارة وحاجات مره كثير- ومن جد كل ما اتكلمنا في موضوع ما شاء الله سللكت معانا. ومن ضمن المواضيع اللي اتكلمنا فيها اليوم هي الفروقات بين الأجيال وتعدد المواهب.

269: ورجعنا لحاسة البشر السادسة

بمشاركة [ رزانا البنوي و خالد موس ] - الحلقة اللي راحت أتكلمنا عن الحاسة السادسة (الحدس) بشكل مبسط وفي المقابل جاتنا مجموعة رسائل من مستمعينا تثني على الموضوع والبعض أعطوا آرائهم اللي شيء منها آمن بوجودها وشيء أنكره. فقررنا في حلقة اليوم اننا نسهب في الموضوع بشكل أكبر ونعطيه حقه، بس هذه المرة شاركتنا الحوار صديقة البرنامج والدافورة رزانا البنوي وعاد معانا للمرة الثالثة خلال الأربعة الأسابيع الماضية صديقنا الدافور والكوميديان خالد موس.

268: الحدس حقيقي وألهم طريقي

بمشاركة [ خالد موس ] - الحواس الخمسة كلنا نعرفها ونؤمن فيها، لكن بعضنا يؤمن بالحاسة السادسة واللي هي الحدس. ومع ذلك بعضنا الآخر ما يؤمن فيها، لكن احنا كنا مؤمنين انه ضيفنا الرهيب من الحلقة قبل اللي راحت الكوميديان والفيلسوف الدافور خالد موس حيرجع لنا ثاني في حلقة جديدة. ليش؟ لأنه أول حلقة جلسنا فيها مع بعض أنتجت لنا حوار رائع. فقررنا نستضيفه مرة ثانية ونتفلسف شوية عن الحاسة السادسة وكالعادة بعض المواضيع المختلفة الثانية.

267: سبعة سنوات وشغفنا ما مات

حلقة خاصة [ ذكرى انطلاقتنا السابعة ] - في مثل هذا اليوم- السابع من شهر أغسطس- عام ٢٠١٥- انطلقت أول حلقة من بودكاست مستدفر! واليوم بعد سبعة سنوات من البربرة ومئات الضيوف- ما نقدر نقول لكم غير شكراً من القلب لكل دافورة ودافور على دعمكم واستماعكم على مر السنين. برنامجنا الصغير كبر أكثر من ما تخيلنا! أول أسبوع لنا كنا مبسوطين بعشرات الإستماعات- فلكم أن تتخيلوا سعادتنا بعد ما صارت استماعاتنا بالملايين! - بحبكم شغفنا ما مات- وبإذن الله ربي يقدرنا نعطيكم أكثر وأكثر! وبهذه المناسبة قررنا نسجل حلقة هادية- لطيفة وظريفة- نعيد لكم بها ذكريات السنين الأولى ببساطتها وعفويتها مع عمار ورامي. - ونصيحة- تابعوا حساباتنا على شبكات التواصل الاجتماعي- لأننا حنعلن عن حاجة خاصة بهده المناسبة في الأيام القادمة.

266: كوميديا بحُريّة بأفكار فلسفية

بمشاركة [ خالد موس ] - الكثير من الناس يعتبروا التوظيف جزء لا يتجزأ من حياة الإنسان وبالذات الرجل- ومع إن أغلب الرزق في التجارة- غالباً تستثنى الفنون الأدائية من هذا المفهوم. اليوم جلسنا مع أحد رواد الأعمال في الكوميديا- الفنان والفيلسوف خالد موس واللي تبحر معانا في مواضيع كثيرة ومتشعبة والأهم من ذلك- دفعتنا للتفكر والتأمل.