أنا عارف ان الكلام دا ممكن ميتقالش الا مرة واحدة بس لكن عارف كمان ان كل كلمة فيه دي حقيقة جوا مني انا متأكد انك عارفاها زي مانا عارفها بالظبط حبيت اخليهالك في فويس نوت عشان تفضلي تسمعيها على طول حتى لو الكلام دا ممكن ميتقالش الا مرة واحدة بس لكن هتفضل احلى حاجة حصلت مهما كان وقبل اي حاجه مش عايز انسى ان عيد ميلادك النهارده واقولك كل سنة وانتي طيبة مش بس كل سنة دا كل لحظة وكل يوم وكل ثانية كنا فيها مع بعض وانتي دايما فيها طيبة وانا دايما فيها جنبك عارف اننا اتنين صحاب قريبين من بعض اوي ومش من فترة طويلة .. دا من اول مرة شفنا بعض فيها عارف كمان انك كنتي مستنية مني ان اقول الكلام دا من اول ما اتقابلنا بس احنا قررنا نكون جنب بعض لحد ما ييجي الوقت المناسب مش بس عشان اقولك اللي جوايا وانتي اكيد عارفاه حتى من قبل ما اقوله لأني من اول يوم وانا شايف في عينيكي نفس الكلام اللي كنت عاوز اقولهولك .. وسكتنا عنه بس اظن جه الوقت انه يتقال وعشان يكون الكلام بجد هي كلمة واحدة بس اللي عاوز اقولهالك هي بكل الكلام اللي ممكن يتقال انا بحبك على فكرة مش بس بحبك من دلوقت او من يوم ما اتقابلنا ده من اول مرة شفتك فيها حبيتك زي مانتي بكل تفاصيلك كل حاجة فيكي كل تفصيلة صغيرة عنك كل موقف كان بيجمعنا سوا كنت بحبه عشان انتي فيه وزي ما كنت مستني اليوم اللي اعرف اقولك فيه اللي جوايا وانتي عارفاه هو نفس اليوم اللي هنبدأ فيه حياتنا سوا على طول هو دا اليوم اللي كنتي مستنياه عشان نكمل فيه حياتنا مع بعض وهسيبلك الفويس نوت دي لحد ما تصحي من النوم وتسمعيها كل سنة وانتي طيبة يا أجمل حاجة حصلت في حياتي بحبك