قاعة المسرح عبارة عن صفوف صف أول وثاني وثالث إلى آخره... الصف الأول بطبيعة الحال هو الصف الأفضل هو ده ال هتعرف تشوف فيه أحسن وتحس إنك قاعد مع الممثلين على الخشبة... بيديك إحساس الشخصيات الرئيسية ال بتمثل من غير ما تضطر تبقى مكانهم... فيه مكانة متصلة بالصف الأول بتدي رشة رفاهية هو أغلى صف والسعر بيقل كل ما بتبعد... الصف الأول شاهد على كل حركة على كل كلمة اتقالت من تحت لتحت بين الممثلين... شاهد على الهمسات والحركات ال ورا المسرح شاهد على السطور ال اتنست واتهمست... الصف الأول هو شاهد بيشوف كل حاجة بس بيختار ميركزش مع الكمبارس...