الفضول الذى قتل القطة

الغريب في الموضوع .. إننا أكتر أمة عندها أيات وأحاديث وأقوال مأثورة بـ تنصح بـ عدم التطفل والفضول والتدخل في شئون الغير
بس لا حياة لمن تنادى

الكومنت اللاواعي في وسائل التواصل الإجتماعي

هو إحنا ليه مش مؤمنين إننا مختلفين عن بعض .. ليه مش مؤمنين ان كل واحد فينا جاي من ثقافة وبيئة مختلفة عن التاني

مش معني كلامي إنك لو شوفت حاجة مش عجباك ماتنتقدهاش بالعكس .. انتقدها بس مع النقد ادي النصيحة

يعني مثلا" .. لو في حاجة مش عجباك في حلقة البودكاست اللي بنتكلم فيها دي قول انها مش عجباك .. بس كمان اديني النصيحة اللي تخليني أخد بالي في المرة اللي جاية وأحسن من أدائي

مش معني كلامي إنك ماتعبرش عن رأيك .. بالعكس .. عبر عن رأيك بس في حدود الآداب العامة من غير تجريح او اهانة .. لان صدقني انت مرايا لنفسك