حلقة النهاردة من بودكاست -ما لا يخبرونك عن التسويق- مختلفة شوية، لأننا فاتحين واحد من أكتر المواضيع اللي عليها جدل في الشغل دلوقتي: Gen Z.مع سلمى العناني، هنتكلم بصراحة عن الصورة اللي اتكونت عن الجيل ده، وليه دايمًا بيتوصف إنه حساس أو بيغير شغله بسرعة، وهل فعلًا المشكلة في الجيل نفسه ولا في طريقة الشركات في التعامل معاه.هنناقش إزاي الذكاء الاصطناعي غير شكل البدايات المهنية، وليه فرص الـ Junior بقت أصعب، وهل فكرة الـ Side Hustles والبزنس الخاص بقت حلم جيل كامل ولا مجرد رد فعل على الواقع الاقتصادي الحالي.كمان هنتكلم عن دور المديرين والشركات في تطوير المواهب الجديدة، وإزاي نخلق بيئة عمل فيها مساحة للتعلم والتجربة بدل الأحكام المسبقة، ونشوف هل فعلًا Gen Z مختلف عن الأجيال اللي قبله ولا إن كل جيل بيعيش تحدياته بطريقته.