Episode 107 - الحلقة ١٠٧ "That's a wrap - نهاية الموسم"

حلقة جديدة و استمراراً لحلقات المشجعين كان معايا لأول مرة محمد الجندي. اتكلمنا سريعا عن ماتش برايتون و عودة الجماهير، تألق پيپي،  المطلوب في الصيف و موقفنا من الاعارات في الاتجاهين و نقط تانية كتير

Episode 108 - الحلقة ١٠٨ "A season to forget 20/21 - موسم للنسيان ٢٠/٢١"

حلقة ريڨيو الموسم! كان معايا فيها اسلام راضي و محمود سامح، اتكلمنا فيها عن الموسم بشكل عام و عملنا مراجعة بكل فتراته. بدأنا بالبداية المهزوزة، مرورا بالفترة السيئة في نوفمبر و ديسمبر ثم التحسن الملحوظ و نهاية بختام الموسم الغير مرضي. كمان اتكلمنا عن مستويات اللعيبة على مدار الموسم و مين كان تحسنه ملحوظ، و نقط تانية كتير جدا

Episode 109 - الحلقة ١٠٩ "Arsenal transfer round-up with Emad - سوق أرسنال مع عماد التميمي"

اول حلقة في الصيف! كان معايا فيها عماد ابو التميمي و اتكلمنا عن سوق ارسنال و كل اللي بيحصل فيه، من اخبار بن وايت، للعيبة المرشحة للانضمام في نص الملعب، و حراسة المرمى و نقط تانية كتير جدا

Episode 110 - الحلقة ١١٠ "Arsenal transfer round-up with Humood - سوق أرسنال مع حمود"

حلقة جديدة كان معايا فيها حمود الوزان، و اتكلمنا فيها عن أداء لعيبة ارسنال في اليورو (قبل النهائي)، صفقة ارسنال الجديدة نونو تفاريش، الصفقات المحتملة و اللعيبة اللي اقتربت من الخروج، و كمان اتكلمنا عن مسلسل ارسنال اللي أعلن عنه النادي الموسم القادم مع أمازون

Episode 111 - الحلقة ١١١ "Arsenal transfer round-up with Humood (2) - سوق أرسنال مع حمود (٢)"

حلقة الأسبوع عن سوق ارسنال كان معايا فيها حمود الوزان، و اتكلمنا صفقة لوكونجا، إشاعات رامسديل، موقف نايلز، نيلسون و نكتيا، إلغاء جولة ارسنال في أمريكا و نقط تانية كتير جدا

Episode 112 - الحلقة ١١٢ "Arsenal transfer round-up with Emad (2) - سوق أرسنال مع عماد التميمي (٢)"

حلقة مميزة جدا مع عماد التميمي! اتكلمنا عن صفقة ارسنال الجديدة بن وايت، اخبار تجديد تشاكا، إشاعات جيماريش و اوديجارد، مشاكل خروج لاعبين ارسنال، ماتشات ارسنال التحضيرية و نقط تانية كتير

Episode 113 - الحلقة ١١٣ "Same old Arsenal - لا جديد يذكر"

اول حلقات الموسم! كان معايا عبد الله الصادق و اتكلمنا عن ماتش برينتفورد و الخسارة، تشكيل ارسنال و غياب أوباميانج و لاكازيت، بابلو ماري، مستوى سميث رو و لوكونجا و تيرني، مستوى لينو، الحلول الممكنة و نقط تانية كتير.

Episode 114 -الحلقة ١١٤ "Derby fear -ما قبل الديربي"

اول حلقات الپريڨيو في الموسم الجديد، كان معايا فيها عمر انور. اتكلمنا عن آخر صفقات ارسنال، اوديجارد و رامسديل، اهداف ارسنال المتوقعة، اللاعبين المحتمل خروجهم، و بعدها اتكلمنا عن تشكيل ارسنال المتوقع قدام تشيلسي و طريقة اللعب اللي متوقعينها. 

Episode 115 - الحلقة ١١٥ "Rough times - فترة عصيبة"

حلقة الأسبوع كان معايا فيها محمود من نادي مشجعين ارسنال الرسمي في مصر. اتكلمنا عن الخسارة من تشيلسي و مستوى بابلو ماري، مستوى لوكونجا و انعدام الفرص. كمان اتكلمنا عن الفوز على ويست بروميتش في الكأس و عوده أوباميانج و لاكازيت، تألق ساكا و اوديجارد، بداية رامسديل. و ختمنا بتوقعاتنا لماتش سيتي و طريقة اللعب اللي تخرجنا بأقل الخسائر

Episode 116 - الحلقة ١١٦ ”No Man‘s Land - احنا فين؟”

حلقة سريعة مع عماد التميمي. اتكلمنا فيها عن ختام انتقالات أرسنال و توجه ارسنال بشكل عام في السوق، قرارت ارتيتا في مبارة السيتي، انترفيو ايدو و كمان اتكلمنا عن توقعاتنا لماتش نوريتش بكره