تخيل تبقى دكتور في أمان الله في الطوارئ، وتدخل عليك حالة تخلي الطاقم الطبي كله يقع متسمم واحد ورا التاني؟أنا أحمد الغنيمي، وفي حلقة النهاردة من بودكاست -من الأرشيف- هنفتح ملف واحدة من أغرب القضايا في التاريخ المعاصر. الحكاية كلها بدأت في ليلة عادية لما وصلت -غلوريا راميريز- المستشفى وهي في حالة حرجة. لكن الغريب ما كانش في موتها قد ما كان في اللي حصل للدكاترة اللي بيعالجوها. فجأة، بدأت تظهر عليها حاجات مش طبيعية: جسمها عليه طبقة زيتية غريبة ، وريحة كيماوية نفاذة طالعة من دمها.لحظات، والممرضة اللي سحبت عينة الدم وقعت مغمى عليها ، ووراها الدكتورة ، ووراهم فريق كامل بيتساقط كأنهم في حرب كيماوية.إيه السر اللي في دم الست دي؟ وإزاي إنسانة ممكن تسمم 23 شخص بمجرد وجودها جنبهم؟ اسمع الحلقة كاملة عشان تعرف النظرية العلمية المرعبة اللي حاولت تفسر لغز -السيدة السامة-.ماتنسوش تتابعوا بودكاست -من الأرشيف- عشان توصلكم ملفات وقضايا أغرب.