مجال ريادة الأعمال في مصر و العالم كله بدء يبقى ليه مساحة كبيرة جداً من التواجد بين المشاريع و بقى ليه الفضل في وجود مصادر للدخل لعدد كبير من الأسر على مستوى العالم. في مصر مجال ريادة الأعمال بقى ظاهر و بقى ليه إهتمام كبير من الشباب إلي عنده عدد من الأفكار إلي ممكن تقدم خدمات من نوع جديد للمجتمع ، كمان المرأة بقى ليها مساحة جيدة جداً من التفاعل مع مشاريع ريادة الأعمال و محتاجين دايماً الدعم في بداياتهم. حلقة إنهاردة مع رشا طنطاوي مدير إدارة دعم ريادة الأعمال في مركز الإبتكار التكنولوجي و هيئة دعم صناعة تكنولوجيا المعلومات ، هنعرف كتير من خبرتها في مجال ريادة الأعمال من خلال دراساتها و تجاربها الكتير جداً في مؤتمرات دولية و برامج الأمم المتحدة إلي شاركت فيها لدعم صناعة ريادة الأعمال و دعم المرأة.