عارف القصة اللي بتسمعها مرة ووقتها حياتك بتتشقلب وتاخد مسار تاني؟ أنا سمعت قصة من القصص دي، وممكن كل اللي كنت بتمناه وقتها إن يكون عندي وقت احقق فيه حاجات تخليني اصنع قصتي الخاصة. اللي في يوم من الأيام احكيها بكل فخر، بس وقتها مش هكون مستنيا تأثر في حياة حد تاني، لاني خلاص عشتها وصنعتها بنفسي وأثرت فيا أنا! إنك تحكي قصتك الشخصية حاجة مش سهلة، مش هتدرك أد إيه هي صعبة غير لما تتحط في موقف حقيقي علشان تحكيها. في الحلقة دي بدردش معاك في ازاي تحكي قصة عن نفسك؟ وإيه اللي ممكن يساعدك في ده؟ وطبعًا نشكر أحمد حسن وبدر نور على المقدمة العظيمة دي 😀