تذكرة نجاة

حلقة جديدة ، وقصة حقيقية من أرض الواقع ، والجيل اللى أصبحت الشاشة جزء لا يتجزأ من حياته اليومية ، بنت بتشارك تجربتها الحقيقية اللى ساهمت فعلاً فى انها تتغير وتكون الشخصية اللى الكل حواليها شايفها دلوقتى ، لكن لو رجعنا لورا سبع سنين مكانتش هى نفس الشخصية ، بناقش قضية مهمة فى حلقتنا وهى إن الجيل الجديد أصبح بيعتمد على الشاشة زى اعتماده على الأكسجين كل يوم ،فى دوامة غير متناهية من الإنحدار فى القاع أتمنى الحلقة تفرق معاكم وتصحى جانب من حياتكم كان لازم ولابد إننا نركز عليه -️✨🎙️ NORA MORAD #إبداع

مشارعنا وحياتنا تحت مسمى فقدان الشغف

بيمر علينا أقوات أو فترات كبيرة أوى بنتأكد فيها اننا تايهين ومشتتين فعلاً وان طاقتنا تحت الصفر ومشاعر كتير أوى ملغبطة وإن حياتنا مش عرفين نستغلها صح رغم توفر الموارد حوالينا ،فى حلقتنا النهاردة هنغوض مع المشاعر دى شوية وهنتعرف على شخصية من أهم الشخصيات وهى شخصية الإنسان المناضل وكلام كتيير من القلب ، أتمنى الحلقة تعجبكم ❤️

حكاية فريق ولحظات ملهمة

الحلقة الأولى من الموسم الثاني حلقة بتتكلم عن تجارب مختلفة مابين الشغف والهوايات والدراسة والمواهب والتغلب على فترات فقدان الشغف والإلهام وحكايات مختلفة من كل فرد من أفراد ضيوف حلقتنا النهاردة اللى بالرغم من إختلاف كلياتهم مابين إرشاد سياحى ،تجارة،علاج طبيعى،طب أسنان ، تربية نوعية فنية ، إلا إن كلهم إجتمعوا من خلال موهبة وهواية التصوير والفن التشكيلي وكل واحد من ضيوف حلقتنا حب يشارك حكايته وقصته معاكم النهاردة أتمنى الحلقة تعجبكم وتستفادوا منها ❤️✨

اتصالح مع نفسك ومع الحياة

سألتوا نفسكم قبل كده ليه لما بنكون فى وسط الناس والتجمعات والصحاب بنكون كويسين وممكن كمان نكون كذا شخصية فى وقت واحد لكن لما بنرجع البيت ونكون لوحدنا ليه شخصيتنا وحياتنا بتنطفى فجأة وكل سيناريو حياتنا بيتعاد قدامنا زى شريط الفيلم بالظبط ، وليه كمان عقلنا بيكون مركز على الأحداث المؤلمة اللى مرت فى حياتنا ومش بيفكر فى اللحظات الكويسة والجميلة مع إنها كتييرة بردو فى حياة اى إنسان فينا ، وليه دايما لما نيجى ننام لازم نفكر فى كل حاجة ضايقتنا او زعلتنا ويبقى عندنا تفكير كتير اوى فى كل حاجة فى اللحظة دى بالأخص، الحلقة ما قبل الأخيرة من الموسم الأول ،أتمنى بجد تفرق معاكم ونتقابل فى الحلقة الأخيرة على خير بإذن الله ❤️✨

النفسية محتاجة ايه ؟ رحلة نحو معرفة الذات

الجانب النفسى فى حياة الإنسان أهم جانب واللى بيترتب عليه سلوكك وتعاملك مع باقى جوانب حياتك بأحسن صورة ، ياترى بقى احنا عارفين نفسنا كويس ومصاحبينها ولا بنتعامل
معاها بدون مبالاة ولا إهتمام ، طيب صحتنا وحياتنا وطبيعة الجسم البشرى اللى مهما خبيت وبينت إنك كويس جسمك بيكشفك بسرعة رأيهم ايه فى كل الكلام الجميل ده ، نفسيتنا مهمة جداً جداً ولازم نهتم بيها ونتعرف عليها حلقة جديدة بعد غياب طويل وحشتونى جداً ودى أكتر حلقة طالعة من القلب بجد ودمتم مستمعين مبدعين???

التسويف عدو الإنسان اللدود

كام مرة قولت انا عايز أخلص المهمة دى ومخلصتش ، وكام مرة كان عندك طموحات وأحلام كتيرة كان نفسك تحققها ومحققتهاش أو حتى بدأت فيها ومكملتش لحد الأخر ، كام مرة لومت البيئة والظروف حواليك ومفكرتش مرة تقف مع نفسك وقفة جد وتتكلم معاها وتحل مشاكلك بنفسك والكثير والكثير من الأسئلة فى حلقتنا النهاردة ، حاولت أنوع فى تون الصوت علشان تكون الحلقة فى صورة حوار مع النفس
أتمنى تستفادوا والحلقة تعجبكم دمتم سالمين ?

إزاى تكون شخص إيجابى ؟

ليه كلنا بنسعى وراء الإيجابية ، واى هى أهميتها فى حياة كل فرد مننا وتأثيرها على الناس والمجتمع حوالينا ، طيب اى هو مفهوم الإيجابية أصلاً ؟ كل الأسئلة دى وأكتر هنجاوب عليها فى حلقتنا النهاردة والحلقة المختلفة عن حلقات البودكاست كالعادة ، أتمنى تنال إعجابكم ودمتم سالمين متطورين وفى سعادة وإيجابية دائمة ?❤️❤️❤️

إنسان فريد من نوعه

تخيل إنك صحيت لقيت نفسك عايش فى وسط مجتمع مختلف عنه إختلاف تام فى الطموحات والأهداف وكل شيئ وقررت إنك تنقذ نفسك وتكمل فى طريقك وتكتشف مواهبك وإيه الإمكانات ال ممكن تحققها لو اشتغلت على نفسك شوية او موجودة جواك ولسة بتحاول تكتشفها سواء مواهب او مهارات او حتى عقلية مفكر جيد ،. وإذ بك تفاجأ إن العالم كله ضدك وعكسك ولازم ولابد إنك تمشى حسب فكره وتقاليده وتمشى بنظرية القطيع حلقة النهاردة مختلفة شوية وفيها شوية طرائف كده أتمنى تعجبكم ورمضان كريم عليكم جميعاً ?❤️❤️

رسائل لذاتك

حلقة مختلفة عن الحلقات ال فاتت، شوية رسائل ممكن تفرق فى شخصيتك وتغيير طبيعة حياتك، خلاصة تجارب مختلفة مرت على حياة الإنسان ،منها ال عرفه قيمة وقته ونفسه وحياته ومجهوداته ال بيقدمها ، ومنها ال ساعده على إستخراج القوة المختزنة جواه وتجارب و رسائل مختلفة كتير أتمنى الحلقة تنال إعجابكم و تستفيدوا منها وشكر حقيقى ليكم من القلب للقلب على تشجيعكم وحماسك تجاه الحلقات ?❤️

السعى واختلاف الواقع

ممكن تكون عملت كل المجهود ال تقدر عليه وبذلت كل قدرتك بس موصلتش ، وممكن بردو تكون اتعاملت عادى مع الموقف بس وصلت لأهداف كتير أوى أوى ، وبالرغم من كل ده فى حكمة كبيرة أوى أوى فى كل بداية مختلفة ممكن تكون حسبتها فى يوم الأيام وممكن كمان بردو تتفاجئ بكم كبير من الطرق والغايات المختلفة ال اكتشفتها عن نفسك أتمنى الحلقة تعجبكم ودمتم سالمين??