من حلقة التجارب الدينية و المعجزات EP45: Religious Experiences and Miracles الحُجة من التجربة الدينية، هى حجة الانتقال من تجربة الاحساس بوجود الله لأثبات وجود الله، فى اقوى صورها. وبتستند على فكرة انه من الممكن فقط الاحساس بشئ ما من خلال اى تجربة فقط ان كان الشئ له وجود، وبالتالى ظاهرة التجربة الدينية دليل على وجود الله! البشر بتمر بتجارب دينية وروحية بتشعر فيها بوجود الله، اذن الله له وجود. لكن فى اضعف صورها الحجة بتجادل ان التجربة الدينية بتقدم ادلة فقط على وجود الله لكنها لاتثبت وجودة، الصورة دى من الحجة صاغها الفيلسوف الانجليزى ريتشارد سوينبيرن من خلال مبدأ العقلانية. لكن كلا الصورتين من الحجة بيفترضوا ان التجربة الدينية تجربة ادراكية فى الاساس بمعنى انها تجربة فيها الفرد بيدرك وجود شئ ما خارجى! لكن البعض جادل ان التجربة الدينية قد تحتوى على خيال المدرك وليس بالضرورة ادراكة. بمعنى ان الشئ او الكائن محل التجربة ليس له وجود مجرد فى الواقع او الطبيعة لكنه موجود بشكل نسبى فى عقل المدرك او الفرد المار بالتجربة. الاشكالية الاخرى اللى بتقابل التجارب الدينية، انها بتتناقض مع بعضها البعض، تقريبا كل الاديان فيها افرد ادعوا بالمرور بتجربة دينية ما بتأكد على الطائفة الدينية اللى بيتبعوها، لو كانت التجارب الدينية دى كلها صحيحية يبدو ان هتسبب اشكالية منطقية، لان كثيرمن التجارب الدينية دى بتأكد على مبادئ دينية مختلفة وفى كثير من الاحيان متناقضة مع بعضها! واخير اشكالية نسبية التجربة بتكون عقبة حقيقية امام مبدأ التجارب الدينية بشكل عام. ده بالاضافة لان فى تيار قوى المدرسة الشكوكية الفلسفية بيجادل ان ادراكنا للكائنات والاشياء المحيطة بينا فى الواقع بشكل يومي غير كافى لتبرير الاعتقاد فى وجود تلك الاشياء! جدلية ديكارت Descartes من الاحلام اقوى صور الحجة دى، لكن جذورها بترجع من قبلة فى الفلسفة الاسلامية عند ابن سيناء وفى الفلسفة اليونانية عند بيرو Pyrrho. الاشكالية ان كل التجارب نسبية شخصية وغير موضوعية subjective، واى تجربة نسبية بالضرورة حسب تعريفها متسقة مع عدد لانهائى من الحالات الموضوعية Objective States. او بصورة ابسط بغض النظر عن كيف ارى العالم، فى عدد لانهائى من الصور اللى من الممكن يكون عليها العالم الحقيقى! انا ممكن اكون بحلم، بهلوس، بتخيل، ببالغ، الخ ... لو تجاربنا المألوفة للعالم الخارجى غير كافية لتبرير الاعتقاد فى وجودة، اذن ما مدى الشك فى التجارب الدينية اللى من الصعب التحقق منها ودرجة حجتها على وجود الله؟! نص الحلقة ====== https://kalamfalsfa.wordpress.com/2018/08/16/ep45-religious-experiences-and-miracles/ https://youtu.be/gxiu8IjHSfg الملفات الصوتية ========= https://archive.org/details/KalamFalsfa_EP45 https://archive.org/download/KalamFalsfa_EP45/EP45_2018_08_16.mp3 https://archive.org/download/KalamFalsfa_EP45/EP45_ECN_2018_08_16.mp3 https://archive.org/download/KalamFalsfa_EP45/EP45_NoMusic_2018_08_16.mp3 Music Credit =========== Naseer Shamma – Happened at All: Amiriyaa https://goo.gl/r0ijGP Silence https://goo.gl/rf6HdQ Remember https://goo.gl/G7Yi6f Aaron Zigman: THE SHACK https://goo.gl/h3EUfc Brandon Fiechter - High Elves of Waterfall Sanctuary https://goo.gl/vRdQww Brandon Fiechter - Tree Dwellers https://goo.gl/HBsiOT Derek & Brandon Fiechter - Mystery Music https://goo.gl/hta7gF Medieval Music – Bridgewell https://goo.gl/xqu1JW Dinosaur Music and Prehistoric Music https://goo.gl/wazxKi Kevin MacLeod – Pooka https://goo.gl/lslojY للتواصل ومتابعة باقى الحلقات تابعونا على: https://www.facebook.com/KalamFalsfa https://kalamfalsfa.wordpress.com https://plus.google.com/u/0/+KalamFalsfa https://twitter.com/kalamfalsfa https://archive.org/details/@kalamfalsfa Continue reading →