جماعة الأنفلونسرز ملو البلد ... بقوا اجتر من محلات البقالة و شكل خطر شوية علينا ان في ناس طلعوا شغالين شغلانات بتأثر علي المجتمع بالسلب عشان بس الشغلانة دي بتتعمل بعدم احترافية و عدم وجود ضمير مهني و اخلاقي . ف بالتالي دا بيأثر و هيفضل يأثر علي الجيل اللي جي سواء في طريقة تفكيرهم او توجهاتهم للحياة . + ان احنا ك دولة عندنا مشكلة فعلا في التوجه الإعلامي و اية اللي يصلح تسليط الضوء عليه و اية اللي لا يصلح . و دا خلق مشكله جديدة لأنه خلي اي شخص عايز يبدأ يدخل المجال دا يتجه للطريق الاسهل و ميلتزمش بالمعايير الاخلاقية للمهنة دي لأن اللي قبليه و اللي بدأوا اساس المهنة دي في البلد هما نفسهم مش بيلتزموا بيها . و من ثم الوضع تحول ل ناس كتير بتخلق فيديوهات تبيع فيها الهوا و تعمل من دا فلوس و للاسف الجمهور كمان بدأ في الإنجراف ورا دا ف الزوق العام احتضر و بالتالي كل حاجة في مجال الإعلام جودتها قلت و تحول الامر إلي ( سبهلله ) . دي كانت حلقة بنتكلم فيها شوية عن الانفلونسرز *المؤثرين* و ازاي تحول الامر معاهم ل مجرد فلوس و اعلانات و عدم مراعاه التأثير الفعلي اللي هما بيعملوه في ذهن المشاهد و بس التركيز علي الارقام . اتمني الحلقة تعجبكم . و ملحوظة ... اللي في الحلقة دا رأيي الشخصي .. ف لو انت مختلف معايا تعالي نتناقش سوا . بحبكم يا اخوتي .